Ekziston një profeci, që ka të bëj me shkatërrimin e Tokës, e të cilës i paraprinë ardhja e një komuniteti xhuxh, të cilët do të sjellin ndryshime drastike në planet, duke pirë të gjithë ujin e pijshëm dhe duke shkatërruar gjithçka çka i del përpara.
Kjo duket të ngjajë shumë e vërtetë dhe i bie se fundi i botës do t’na del të jetë shumë afër, meqenëse në Lug xhuxhët tashmë janë aktivë. Në korrelacion me xhuxhët, ekzistojnë shumë rrëfime e legjenda tjera, por kjo e shkatërrimit global, të fascinon më së shumti.
Ata lëre se po konsumojnë ujin e pijshëm, por kanë edhe privilegje të panumërta, duke ushtruar funksione të ndryshme politike e intelektuale, gjithmonë në dëm të qytetarëve të Lug’ut.
Xhuxhët janë të specializuar të ushtrojnë dhunë, duke dhunuar institucionet lokale e duke i mbërthyer ato në një sistem diktatorial.
Krejt ky defekt dhe kjo mos pajtueshmëri nuk ka të bëjë me gjatësinë trupore të xhuxhëve që mund të jetë një anomali e zhvillimit normal trupor, por problemi lidhet direkt me mendjen dhe trurin e tyre të cekët.
Ata, për t’i përmbushur nevojat e të qenit “In” në politikë, shfaqin pa dashje nivelin e tyre primitiv intelektual, me postime të ndryshme nëpër rrjete sociale, shkrimet e të cilëve janë të stërmbushura me shpifje dhe fyerje të pashpjegueshme, por që në masë nuk reflektojnë shumë negativitet. Kjo, falë asaj se masa nuk ka arritur akoma pjekurinë e duhur politike. Këta, shfrytëzojnë në maksimum këtë status-quo të virgjërisë politike të njerëzve ordinerë, të cilët vetëm kur të jetë periudha e votës dalin dhe thjeshtë ushtrojnë obligimin e tyre moral e institucional, pa vrarë shumë kokën se kush do t’i menaxhoj ato institucione që faktikisht duhen të shërbejnë për të mirë të qytetarëve.
Lug’ina tashmë ka filluar të kundërmojë nga erërat e fëlliqura politike nën udhëheqjen e xhuxhëve, e që po vetëshkatërrojnë celulat njerëzore të këtij rajoni. Stadi metastazik i sëmundjes së rëndë kanceroze, që ka të bëjë me zhvillimet e fundit politike në rajon, po fundos shpresat e vetme për një mbijetesë në këto treva.
Lug’inasit, duke vuajtur nga astigmatizmi i tepruar, që i ka shkatërruar pamjen reale, duke i sjellë një pamje krejtësisht të rrejshme dhe pesimiste nga qarku i xhuxhëve, me politika të dëmshme si për shoqërinë dhe lokalitetin, ashtu edhe për rajonin, jeton momentet e fundit të jetës kolektive funksionale në këto vise. Aq shumë turbullira politiko-sociale iu janë servuar lug’inasëve nga xhuxhët politikanë, sa që është bërë vështirë të mbijetoj individi, e lëre më shoqëria.
Kundërmimi i xhuxhëve është duke ardhur nga qarqe të ndryshme institucionale, që shumë pak nga këto funksionojë si duhet në Lug’. Duke nisur nga shkollat fillore, ato të mesme, nga institucionet shtetërore, ndërmarrjet publike, e të gjitha njësitë ku prekin xhuxhët, në Lug’, po kundërmojnë rëndë.
Për ta ndaluar një shkatërrim në masë, sikur se janë lug’inasit, një specie në zhdukje, duhet të merren masa të menjëhershme, si mekanizma parandalues kundër një shkatërrimi të tillë masovik, dhe xhuxhëve të Lug’ut t’ju hiqen të drejtat e menaxhimit të institucioneve, për të mos ardhur një fund i keq për të gjithë ne.
Për t’i hequr qafe xhuxhët e llastuar, arma më e preferuar është vota. Ajo është çelësi i ndryshimeve. Përmes votës së manipuluar, xhuxhët erdhën në funksione, kurse përmes votës së lirë do kthehen në çerdhen e vjetër, aty ku e kanë vendin e tyre të qelbur. Vetëm në këtë mënyrë, do të mbrohet shkatërrimi i planetit tokë, e njëherazi edhe Lug’u i lug’inasëve, nga kjo pandemi e xhuxhëve profetikë. Sa më shpejt, aq më mirë…
Lufta Prigozhin - Putin
Më shumëTension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Ju kemi njohur para lufte...ju njohim edhe tash”, Haxhiu, opozitës: Milionerë nuk ishit, jeni bërë vetëm duke qenë në qeveri
Historia e pabesueshme e ‘heroit’ që mposhti PSG-në: Pseudonimin e mori për shkak të dhëmbëve, deri në moshën 30-vjeçare ishte në kategorinë e dytë
U tha se do të vinte në Shqipëri për t'u takuar me Heidin në Big Brother - Massimiliano Varrese vjen me një mesazh në shqip
Autobusi i PSG-së e la Mbappen në stadium pas humbjes nga Dortmundi, në aeroport shkoi me transport privat
Vrasja e Liridona Ademajt - edhe dy muaj paraburgim për Naim Murselin dhe dy të tjerët, i dyshuari i katërt mbrohet në liri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit