Xhaka mposht Shaqirin, Arsenali lider i përkohshëm i Ligës Premier (Video)

Arsenal ka mposhtur Stoke Cityn me rezultat 3-1.

Skuadra e Arsene Wenger ka shënuar edhe një fitore në Ligën Premier, duke fituar marrë përkohësisht edhe kreun me 34 pikë, po aq sa edhe Chelsea.

Pjesa e parë e takimit i takoi ‘Topçinjve’, por përfundoi me rezultat të barabartë 1-1, me dy skuadrat që shënuan nga një gol, teksa në minutën e 25-të u lëndua mbrojtësi me prejardhje shqiptare, Shkodran Mustafi, i cili u detyrua ta lë lojën në minutën e 25-të.

Megjithatë, goli i parë erdhi nga mysafirët, të cilët kaluan në epërsi në minutën e 29-të me anë të Charlie Adam, i cili shënoi nga penalltia, që u shkaktua nga Granit Xhaka.

Goli i barazimit erdhi në minutën e 42-të nga Theo Walcott, i cili u shërbye mirë nga Hector Bellerin dhe skuadrat shkuan në pushim me rezultat të barabartë.

Ndërsa, pjesa e dytë e takimit i takoi në përgjithësi skuadrës së Wenger që gjetën rrugën e rrjetës edhe dy herë tjera.

Së pari erdhi goli i epërsisë nga Mesut Ozil, i cili shënoi në minutën e 50-të pas asistimit të Oxlade Chamberlain, ndërsa goli i tretë dhe i fitores erdhi nga i riu Alex Iwobi, që shënoi nga afërsia në minutën e 75-të.

Deri në fund të takimit, skuadrat patën edhe disa gjysmë raste, por pa arritur të shënojnë edhe ndonjë gol dhe kështu ndeshja përfundoi me fitoren 3-1 të Arsenalit.

Pas kësaj fitore, Arsenali gjendet në vendin e parë me 34 pikë dhe javën tjetër udhëton te Everton, ndërsa Stocke City në vendin e 10-të me 19 pikë dhe e pret Southamptonin në shtëpi./Telegrafi/

Poor from Xhaka pic.twitter.com/sQ1jY4Plzw

— ㅤ???? (@FlavsNB) December 10, 2016

Arsenal 1 Stoke 1
Walcott Goal
Bellerin Assist pic.twitter.com/oTJOVV02h3

— Jonathan (@JBHTD) December 10, 2016

What a Goal
Arsenal 2 Stoke 1
Ozil Goal
Ox Assist pic.twitter.com/fVPoQ7asUm

— Jonathan (@JBHTD) December 10, 2016

What a goal, Alex Iwobi! pic.twitter.com/9cTnLvq6Bj

— Ö (@WengerTactic) December 10, 2016