WhatsApp teston një veçori të re për bisedat në grupe

WhatsApp, aplikacioni popullor dhe global i mesazheve, tani po teston një veçori të re që do t’i lejojë përdoruesit të vendosin një orar fillimi dhe mbarimi për ngjarjet e krijuara në grupe.

Kjo veçori, e cila është aktualisht e disponueshme për disa testues beta, do ta bëjë më të lehtë për njerëzit të planifikojnë oraret e tyre.

Bëhet e ditur se tipari i ri i kohëzgjatjes do të shfaqet kur krijoni një ngjarje në një grup.

Përdoruesit do të jenë në gjendje të zgjedhin një orë fillimi dhe një orë mbarimi për ngjarjen dhe ky informacion do t’u shfaqet të gjithë anëtarëve të grupit, shkruajnë mediat e huaja, përcjell Telegrafi.

Kjo do t’i ndihmojë njerëzit të shohin kur një ngjarje do të ndodh dhe sa do të zgjasë, në mënyrë që ata të mund të planifikojnë kohën e tyre në përputhje me rrethanat.

Duke pasur orare të qarta fillimi dhe përfundimi për çdo ngjarje, anëtarët mund të shmangin konfliktet dhe të sigurohen që të jenë në gjendje të marrin pjesë.

Funksioni i kohëzgjatjes është ende në testim, por pritet të shpërndahet për të gjithë përdoruesit në të ardhmen e afërt. /Telegrafi/