Kthimi i deputetëve të Listës Serbe në Kuvendin e Kosovës, u mirëprit nga Qeveria e Kosovës. E përfaqësuesit e Listës Serbe deklaruan se janë të gatshëm të votojnë Demarkacionin me kushtin që në themelimin e Asociacionit të Komunave me Shumicë serbe, ata ta kenë rolin kryesor.
Por, pavarësisht këtyre deklaratave nga ana e deputetëve serbë, Qeveria e Kosovës ende nuk ka caktuar asnjë datë të mundshme për procedimin e marrëveshjes së Demarkacionit me Malin e Zi, për ratifikim në Kuvendin e Kosovës.
Zyrtarë nga qeveria kanë deklaruar se Demarkacioni do të jetë në Kuvend në momentin kur koalicioni PDK-LDK sigurohet se i ka votat e mjaftueshme.
E se a do të ndodh brenda këtij muaji procedimi i Demarkacionit për në Kuvend, analisti Bajrush Morina thotë për Telegrafin se një gjë të tillë e di më së miri vetë qeveria.
“Nëse e procedon, e mban fjalën, nëse nuk e procedon, qeveria ‘i ha fjalët e veta’. Unë mendoj se Demarkacioni është vonuar, dhe sa më shumë që vonohet, aq më shumë vonohet integrimi i Kosovës në BE, e po ashtu aq më gjatë zgjat izolimi i qytetarëve të Kosovës”, theksoi Morina.
Sa i përket kushtit të deputetëve të Listës Serbe lidhur me Asociacionin, Morina ka theksuar se çdo kompromis me ta është nënshtrim ndaj Serbisë.
“Sipas të gjitha gjasave, ardhja e diplomatit amerikane Yee i ka ‘ulur tensionet’ politike në Kosovë. Prandaj Lista Serbe u kthye në Kuvend, e ky kthim sigurisht se do të ‘shpërblehet’ me ndonjë kompromis të dhimbshëm. Krejt çka mund të them është se çdo kompromis më Listën serbe është një nënshtrim më shumë i shtetit të Kosovës përballë Serbisë”, tha Morina për Telegrafin.
Edhe analisti politik, Fadil Lepaja ka vlerësuar se procedimi i marrëveshjes për Demarkacionin, varet nga numri i votave që koalicioni konsideron ti ketë siguruar.
“Po ashtu varet nga një pajtim së paku i heshtur se nuk do të ndodhin skandale të mëdha nga opozita”, u shpreh Lepaja për Telegrafin.
Duke folur për kthimin e deputetëve të Listës Serbe në Kuvend, Lepaja theksoi se kthimi i tyre mund të lidhet me ndonjë kompromis të caktuar nga ana e qeverisë.
“Kthimi i Listës Serbe, lidhet edhe me këtë, pra sigurimin e numrit të votave për Demarkacionin dhe për këtë qeveria do të ketë pranuar kompromise të caktuara”, tha Lepaja.
Ai shoti se tollovia që e shkaktoi presidenti me ligjin për FSK, si duket është fashitur paksa me ndërhyrjen e faktorit ndërkombëtarë.
“Siç duket prolongimi, përkatësisht degradimi i procesit të shndërrimit të FSK në ushtri, i cili u shkaktua nga ndërhyrja prej kornerit e Presidentit të vendit, ka qenë çmimi më i madh, i paguar për kthimin e Listës në Parlament dhe eventualisht votimit të demarkacionit”. /Telegrafi/
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
A do t'i "shpëtojë" Albin Kurti Asociacionit të komunave me shumicë serbe, flasin analistët
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Ndalohet një shtetas i Kosovës në Maqedoni, kërkohej nga Interpoli
Kurti takon ministren e Jashtme gjermane, falënderon Gjermaninë për mbështetjen e Kosovës drejt anëtarësimit në KiE
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë