Eurodeputetja e Parlamentit Evropian, Viola von Cramon, ka deklaruar se presidenti serb Aleksandar Vuçiq duhet të sigurohet që shumica është në mbështetje të Ukrainës.
Von Cramon ka shtuar se agresioni ushtarak rus ndaj Ukrainës ka tronditur tërë kontinentin evropian.
“Sigurisht që agresioni i tmerrshëm rus ndaj Ukrainës po trondit gjithë kontinentin evropian, vendet e Ballkanit Perëndimor janë gjithashtu të prekura nga rritja e çmimeve të energjisë, nga rrënimi i ekonomisë, nga kërcënimet e sigurisë”, tha von Cramon, në një intervistë për The Geopost.
Raportuesja për Kosovën në këtë institucion thekson se pavarësisht krijimit të qeverisë së re në Beograd, Aleksandar Vuçiq është ai që i merr të gjitha vendimet dhe se e sundon tërë vendin.
Ajo pohon se ish-ministri serb i Punëve të Brendshme, Aleksandar Vulin qartazi është kukull pro-Putinit.
“Do të shohim, në fund është Aleksandar Vuçiq ai që i merr vendimet, ai po e sundon vendin. Aleksandar Vulin ishte qartazi kukull pro-Putinit, ai vazhdimisht më sulmonte, por a mund t’i marrësh seriozisht?”, pohon ajo.
“Nuk mundem, sepse në fund ende përshtypja ime është se edhe Serbia do të donte të bëhej anëtare, por ata kanë një përqindje mjaft të madhe të popullsisë së tyre, që janë nacionaliste dhe mbështesin Rusinë”, përfundon von Cramon.
Intervista e plotë:
Kanë kaluar tetë muaj nga agresioni rus në Ukrainë, si po ndikon në Evropë dhe veçanërisht në Ballkan?
Von Cramon: Sigurisht që agresioni i tmerrshëm rus ndaj Ukrainës po trondit gjithë kontinentin, vendet e Ballkanit Perëndimor janë gjithashtu të prekur nga rritja e çmimeve të energjisë, nga rrënimi i ekonomisë, nga kërcënimet e sigurisë. Kosova është një shoqëri e traumatizuar, e kuptoj pse njerëzit këtu janë shumë më të prekur, shumë më nervozë kur shohin fotografitë e grave që ikin, fëmijët janë të prekur, njerëzit i bashkohen ushtrisë, mbrojtja territoriale, që ka të bëjë shumë me rajonin dhe me një vend siç është Kosova, kështu që unë shoh se po ndodh shumë në aspektin e ndikimit financiar, në aspektin e efekteve shoqërore dhe ne duhet të qëndrojmë në solidaritet. Ne kemi nevojë nga secili shtet këtu për një angazhim të qartë se ku do të qëndrojnë, përfshirë Serbinë.
Dhe kjo është arsyeja pse është kaq e rëndësishme për këtë rezolutë të OKB-së, për rezolutat e tjera, që të gjitha vendet që dëshirojnë të bëhen anëtarë të Bashkimit Evropian, të cilët përpiqen për këtë, të kenë një angazhim të qartë sipas sanksioneve, sipas kërkesave të tjera të BE-së, por edhe mbi politikën e qartë të përbashkët të jashtme dhe të sigurisë.
Si e shikon BE-ja qeverinë e re serbe, besoni se është më shumë pro-perëndimore apo pro-lindore?
Von Cramon: Epo, do të shohim, në fund është Vuçiq ai që i merr vendimet, ai po e sundon vendin. Vulin ishte qartazi kukull pro Putinit, ai vazhdimisht më sulmonte, por a mund t’i marrësh seriozisht? Nuk mundem, sepse në fund ende përshtypja ime është se edhe Serbia do të donte të bëhej anëtare, por ata kanë një përqindje mjaft të madhe të popullsisë së tyre, që janë nacionaliste dhe mbështesin Rusinë.
A është kjo shumica, nuk mendoj kështu, por Vuçiq duhet të sigurohet që shumica të kuptojë pse ne duhet të jemi në mbështetje të Ukrainës, pse duhet të dorëzojmë armë, pse duhet të qëndrojmë së bashku dhe pse ai duhet të përputhet gjithashtu me politikën e përbashkët të jashtme dhe të sigurisë.
Një mesazh për banorët e Ballkanit për këtë dimër?
Von Cramon: Për këtë dimër mendoj se të gjithë po vuajmë, të gjithë do të vuajmë, çmimet e energjisë janë të larta, por mos u dorëzoni, për mua kjo është e rëndësishme dhe jam shumë krenare që Ballkani Perëndimor mori rrugën, ata duan të bëhen një anëtar dhe ne si miq të Ballkanit Perëndimor do t’ju mbështesim në këtë përpjekje.
Promo
Reklamo këtuLufta Prigozhin - Putin
Më shumëNga Rubrika
Ditmire Shehu: Ka pjesëmarrje më të lartë në votime në krahasim me zgjedhjet e vitit 2019
O’Brien bisedon Kurtin, SHBA pret përparim urgjent në themelimin e Asociacionit
Ishte i kërkuar me urdhëresë gjykate, arresohet në Prishtinë dhe dërgohet për vuajtje të dënimit prej një viti
Pasuria e profesorit të suspenduar Xhevat Krasniqi: Mbi 160 mijë euro para të gatshme, 150 mijë euro pasuri të paluajtshme
Presidenca i reagon ashpër Pacollit pasi e quajti provokim veprimin e Osmanit me të mbijetuarat e luftës gjatë seancës në KS të OKB-së
Shtatë ish-anëtarë të grupit “Çakallët” dënohen për krime ndaj shqiptarëve të Kosovës
"Serbia po frikëson dhe shantazhon qytetarët e Kosovës"- Qeveria shpalos detaje tjera nga biseda telefonike Kurti-Macron
Pas vizitës në selinë e NATO-s, gjenerali Ulutash: Vetëm zgjidhje politike mes Kosovës e Serbisë
Gazetari britanik tregon nëse mund të ketë luftë në Kosovë dhe Bosnjë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert