Volkswagen po përgatitet të prodhojë një veturë elektrike të nivelit fillestar, e cila do të pozicionohet poshtë modelit elektrik ID.2 të madhësisë Polo, tregoi kreu i zhvillimit teknik të gjigantit gjerman Kai Grunitz.
Ky i fundit deklaroi se Volkswagen “po punon me të vërtetë në modelin ID.1 ose ID të vogël ose sido që të quhej”, dhe shtoi se “është shumë e rëndësishme të kesh një automjet të vogël të përballueshëm”.
Deri më tani, automjetet elektrike kanë rezultuar të jenë dukshëm më të shtrenjta se ekuivalentët e tyre të fuqizuar nga motorët me djegie të brendshme dhe duke qenë se bateritë përbëjnë pjesën më të madhe të asaj diferencë çmimi, nevojitet një ulje e çmimit të vetë baterisë për të mbajtur çmimet më të ulëta. Grunitz është i bindur se Volkswagen është afër arritjes së këtij qëllimi.
“Me qelizën tonë të unifikuar që vjen në vitin 2026, ne do të ulim vërtet koston e vetë baterisë”, tha ai.
Megjithatë, lind pyetja nëse grupi Volkswagen mund të përsërisë suksesin e modeleve Up/Mii/Citigo dhe të zhvillojë vetë automjetin, apo nëse do të kërkojë ndihmë “jashtë”.
“Duke e parë atë nga një perspektivë teknologjike, unë mendoj se ne mund ta bëjmë atë. Në fund të fundit, është një çështje e shkallëzueshmërisë, por është e vështirë për të marrë një automjet tërësisht elektrik të përballueshëm”, tha Grunitz.
“Kërkojmë partnerë për bashkëpunim jashtë VW Group. Do të shohim se çfarë do të ndodhë. Automjeti duhet të jetë fitimprurës, por për VW ky model është shumë më i rëndësishëm se vetë fitimi sepse përfaqëson hyrjen në markën tonë. Automobili i parë duhet të jetë i qasshëm për klientin, sepse nëse ai ulet në ID.1, ndoshta pak më vonë automjeti i ardhshëm do të jetë ID.2, ID.3 ose ID.4. Kjo është arsyeja pse është vërtet e rëndësishme të kesh një automjet të vogël të përballueshëm”, deklaroi ai.
Megjithatë, ky model nuk do të përdorë platformën e shkallëzueshme SSP, e cila ka të ngjarë të arrijë në vitin 2028 si bazë për të gjitha modelet, nga Polo tek Bentley Bentayga.
Nëse do të jetë një përshtatje e platformës ekzistuese MEB, mbetet për t’u parë, por është konfirmuar se Volkswagen po shqyrton mundësi të ndryshme. /Telegrafi/
Lufta Prigozhin - Putin
Më shumëVolvo "përplas" veturën më të madhe të saj me atë më të voglën
Musk paralajmëron risi, tash secili mund të bëhet me Tesla
Rreth 11 miliardë dollarë: Honda vjen me investimin më të madh të automjeteve në Kanada
Shoferi i Tesla në SHBA tha se ai po përdorte Autopilot kur goditi për vdekje një motoçiklist
Tesla shiti startupin gjerman që prodhon produkte me karikim me valë, por mban inxhinierët
Porsche prezantoi Macan-in elektrik, i disponueshëm në dy versione
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë