Vjen vlerësimi i shkencëtarëve të pavarur, vaksina e Oksfordit e ‘sigurt dhe efektive’

Vaksina e Oksfordit / AstraZeneca kundër coronavirusit është e sigurt dhe efektive, duke dhënë një mbrojtje të mirë, kanë konfirmuar studiuesit në revisten The Lancet.

Sipas BBC, përcjell Telegrafi, shumica në studim ishin më të rinj se 55 vjeç, por rezultatet e deritanishme tregojnë se vaksina funksionon mirë edhe tek të moshuarit.

Të dhënat sugjerojnë gjithashtu se vaksina e Oksfordit mund të zvogëlojë përhapjen e coronavirusit, si dhe të mbrojë njerëzit nga sëmundjet dhe vdekja.

Punimi, i vlerësuar nga shkencëtarët e pavarur, përcakton rezultatet e plota nga provat e avancuara të mbi 20 mijë njerëzve.

Rregullatorët shëndetësorë, të cilët do të kenë parë të njëjtat të dhëna, po konsiderojnë aprovimin e përdorimit emergjent të kësaj vaksine.

Mirëpo ende ka pyetje të rëndësishme në lidhje se çfarë doze duhet t’ju jepet si dhe kë do të mbrojë.

Kur rezultatet e proves së ndërmjetme u bënë publike në një njoftim për shtyp rreth dy javë më parë, studiuesit raportuan tre nivele të efikasitetit për vaksinën – një efikasitet i përgjithshëm prej 70 për qind, një më i ulët prej 62 për qind, dhe një i lartë prej 90 për qind.

Kjo pasi doza të ndryshme të vaksinës janë përdorur gabimisht në një pjesë të tesimit. Disa vullnetarëve iu dhënë injektime që ishin gjysma e ‘forcës’ së planifikuar gabimisht.

Megjithatë, ajo dozë “e gabuar” doli të jetë fituese – duke dhënë 90 për qind mbrojtje – ndërsa dy doza standarde dhanë 62 për qind.

Raporti i The Lancet zbulon se 1,367 njerëz – shumë prej mijëra personave në testim, morën gjysmën e dozes pasuar me dozën e plotë, e cila iu dha atyre 90 për qind mbrojtje ndaj COVID-19.

Numri relativisht i vogël do të thotë se është e vështirë të nxjerrësh përfundime të prera, raporton BBC.

Askush nga ai grup nuk ishte mbi moshën 55 vjeç – dhe ekspertët e dinë se janë njerëzit e moshuar ata që janë më të rrezikuar nga sëmundja.

Për sa i përket sigurisë, ka pasur një ndodhi të rëndë anësore te një person potencialisht i lidhur me vaksinën dhe një tjetër që zhvilloi temperature të lartë – që ende po hetohet.

Të dy këta pjesëmarrës janë duke u rikuperuar dhe janë ende në testim.

Studimi gjithashtu mati mbrojtjen nga infeksioni asimptomatik duke iu kërkuar vullnetarëve të testoheshin vazhdimisht për të parë nëse kishin COVID-19 pa u ndjerë keq.

Shumë nga këto raste janë vërejtur në grupin që nuk ishin vaksinuar.

“Rezultatet tregojnë se vaksina është efektive kundër COVID-19, veçanërisht pa infeksione të rënda dhe pa shtrime në spital në grupin e vaksivae”, tha Pascal Soriot, shefi ekzekutiv i AstraZeneca.

“Ne kemi filluar t’i shtrojmë këto të dhëna tek autoritetet rregullatore në të gjithë botën për të marrë aprovimin”, shtoi ai. /Telegrafi/