Mbi 2 milionë euro nga Thesari i Shtetit janë transferuar jashtëligjshëm tek një operator ekonomik, për të cilin rast deri më tani janë arrestuar dy persona.
Labinot Gruda që kishte kryer transaksionin dhe Kadri Shala, i cili kishte pranuar këto mjete tashmë gjenden në burg.
I dyshuari për transaksionin e paligjshëm mbi 2 milionë euro nga Thesari i Kosovës, Labinot Gruda, ka deklaruar në gjykatë se ndihet plotësisht i pafajshëm dhe se pretendimet për këtë shumë parash “nuk kanë të bëjnë aspak” me të.
Kurse, Kadri Shala, pronari i kompanisë “LDA Group” me bazë në Llapushnik të Drenasit, të cilës iu ishin bërë transaksion mbi dy milionë euro nga Thesari i Shtetit disa ditë pasi u zbulua skandali është dorëzuar në Policinë e Kosovë.
Procedurat për kthimin e mjeteve thuhet se kanë filluar, pasi një pjesë e mjeteve sipas Ministres së Fiancave, Hykmete Bajrami tashmë janë bllokuar në xhirollogari, por ende nuk dihet nëse do të mund të kthehen të gjitha këto para në Thesar.
Drejtori i Thesarit, Ahmet Ismaili në një përgjigje për Telegrafin, ka thënë se detyrimi për kthimin e mjeteve ekziston.
“Sa i përket procedurave ligjore, veprimet janë ndërmarrë të gjitha që të realizohet kthimi i mjeteve, si para publike ato kanë statusin e tillë që ligji i njeh (Ligji për Financat Publike dhe Ligji i Buxhetit) dhe detyrimi për kthim ekziston”, tha Ismaili.
Ai shton se, kthimi i tyre duhet të bëhet përmes kanaleve ligjore dhe se sipas tij, nuk dihet sa merr kohë.
“Tash meqë kjo vepër ka kaluar në tjetër nivel, kthimi i mjeteve do të bëhet me kanale ligjore përmes organeve zbatuese të ligjit, përmes shterjes se të gjitha mundësive deri në rikthimin e plote te tyre, meqë janë marre me vepër penale. Kjo mund të marr kohën e vet dhe procedurat që i kryejnë organet e specializuara. Kam besimin e plote se te gjithë përgjegjësit do të dalin para drejtësisë dhe marrin dënimet e merituara”, u shpreh ai.
Kurse, Banka Qendrore e Kosovës ka Rregulloren për Sistemin e Pagesave Ndërbankare, ku në Nenin 34 të kësaj rregulloreje parashihet edhe “Kthimi i transaksioneve të gabuara”.
Sipas kësaj rregulloreje, “një bankë përfituese është subjekt i një procedure për kthim të transaksionit të pranuar nga një bankë urdhëruese nëse banka përfituese nuk është në gjendje të transferojë fondet në llogarinë e klientit për shkak të: udhëzimeve të pasakta ose kontradiktore të llogarisë dhe mbylljes së llogarisë për të cilën janë destinuar këto fonde”.
Po ashtu, në këtë Rregullore thuhet se, “banka përfituese kthen transaksionet e pagesave të parashikuara nën pikën 1.1 të paragrafit të këtij neni tek banka urdhëruese, brenda ditës pasardhëse të punës. Gjatë kthimit të transaksionit të gabuar, banka përfituese duhet të përfshijë elementet për identifikim të transaksionit të pagesës që ka pranuar, si dhe të përshkruajë arsyen e kthimit”.
Në një përgjigje për Telegrafin, zyrtari për informim i Bankës Qendrore të Kosovës, Kushtrim Ahmeti ka thënë se banka ka një mekanizëm kontrolli, ndërsa sa i përket transaksioneve “të gabuara“ dhe se këto raste trajtohen në bazë të Rregullores.
“Banka Qendrore e Republikës së Kosovës, operon me Sistemin e Pagesave Ndër-bankare (ATS-Automated Transfer System), përmes të cilit kalojnë të gjitha pagesat nga bankat komerciale dhe Qeveria e Kosovës, sistem ky i cili vepron si mekanizëm i kontrollit”, tha Ahmeti.
Ahmeti shton se, “Sistemi i Pagesave Ndërbankare mundëson kontrollimin e kritereve teknike të transaksioneve siç është; standardi i llogarisë, plotësimi i të dhënave në fushat obligative si; emri dhe mbiemri i urdhëruesit, dhe pranuesit, llogaria bankare, banka, përshkrimi i transaksionit, etj., me ç’rast mundësohet kliringu dhe shlyerja e pagesave ndër bankare”.
Ndryshe, Ministrja e Financave, Hykmete Bajrami ka bërë të ditur se deri më tani janë bllokuar 560 mijë euro nëpër xhirollogari të ndryshme dhe janë konfiskuar tri vetura, në lidhje me “avullimin” e 2.1 milionë eurove nga Thesari i Shtetit.
Bajrami ka thënë se shpreson që këto mjete të kthehen në Thesar të Shtetit.
Ndërkaq, Labinot Grudës dhe Kadri Shalës të arrestuar për këtë u është caktuar masa e paraburgimit prej 30 ditësh. /Telegrafi/
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
Pasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
Abonohu në Shqip.ai - Zbulo pakot e reja të çmimeve
Sistemi bankar stabil
Qytetarët së shpejti do të rimbursohen për kthimin e shisheve të plastikës, qelqit e kanaçet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë