Vivo X Note vjen në muajin prill, zbulohen disa prej specifikave

Vivo synon të prezantojë një smartphone të ri në muajin prill dhe tashmë dihet se si do të duket dhe çfarë specifikash do të ketë.

Është një model Vivo X Note që vjen me një ekran 7 inç dhe në fakt është paneli AMOLED E5 i Samsung me rezolucion QHD +.

Informacionet thonë se do të fuqizohet nga një procesor Snapdragon 8 Gen 1, gjë që nuk është befasi. Vivo do të zbatojë sensorin 3D të gjurmëve të gishtërinjve, i cili ishte një zgjidhje inovative në iQOO 8 Pro.

Bëhet e ditur se pajisja do të ketë 12 GB RAM dhe 512 GB memorie të brendshme, por do të ketë edhe një version më të përballueshëm me 256 GB memorie të brendshme.

Në pjesën e pasme do të jetë kamera kryesore 50 MP, e cila është sensori S5KGN1 i Samsung që përdor Vivo X70 Pro + dhe Google Pixel 6 Pro dhe nxjerr foto fantastike.

Pajisja do të mundësohet nga një bateri 5000 mAh që mbështet karikim të shpejtë 80 W.

Vivo X Note del në tregun kinez në prill dhe fansat e markës shpresojnë se do të jetë i disponueshëm dhe më gjerë. /Telegrafi/