Deputetja e LDK-së Hykmete Bajrami dhe ish-deputeti Visar Ymeri kanë debatuar në lidhje me qëndrimin e LDK-së në raport me grevën e SBASHK-ut.
Në “Debat Plus” të RTV Dukagjinit, Bajrami ka thënë se LDK e përkrahë grevën e sindikalistëve.
Por ndaj këtyre deklarimeve ka reaguar Visar Ymeri i cili e ka konsideruar pozicionin e LDK-së jo të natyrshëm duke pasur parasysh orientimin e saj të djathtë.
“Një dukuri abnormale në Kosovë është orientimi politik i tyre. Një parti e djathtë si LDK nuk do të duhej ta përkrahte grevën e sindikatave në asnjë metodë dhe nuk do të duhej të kishte marrëdhënie të mira me sindikatat pasi do të duhej të ishte parti pro-biznes”, deklaroi Ymeri, përcjell Telegrafi.
“Unë po mendoj se qasja e LDK, në krahasim me të kaluarën e bënë këtë qëndrim jo të sinqertë dhe kjo i bie se mbështetje ndaj grevës po bëhet për arsye politike”, shtoi ai.
Ymeri më tej thotë se LDK duhet të tregojë nëse është për investime kapitale apo për të shpërndarë mjetet që i janë grumbulluar qeverisë te sektori publik përmes plotësimit të kërkesës së grevistëve.
Në përgjigjen e saj deputetja e LDK-së, ka thënë se Qeveria deri më tani ka shpërndarë sasi të mëdha parash te populli pa kurrfarë kriteri.
“Kujtojmë këtu shpërndarjen e 100 milionë eurove, ku nga 100 euro u janë dhënë edhe atyre që nuk e kanë nevojën”.
“Rreth 300 milionë euro më shumë janë grumbulluar në bilancet bankare si pasojë e inflacionit, të cilat duke qëndruar dhe duke mos u shfrytëzuar ato para janë duke u zhvleftësuar”, shtoi Bajrami.
“A po thoni që këto para të shpërndahen në kategori të ndryshme sociale?”, i është përgjigjur Ymeri.
“Ne kemi parë ngecje në investime kapitale. Deri në fund të vitit këto para që kanë mbetur nuk kanë shanca për t’u shfrytëzuar. Këta është dashur të bëjnë rishikimin e buxhetit dhe të rialokojnë mjetet financiare”, ka thënë Bajrami.
Ymeri nga ana tjetër thotë se edhe ulja e taksave edhe rritja e pagave dhe shpenzimeve nuk mund të bëhen.
“Po të kishim dëgjuar propozimin e LDK-së, sot nuk do të kishim mundësi të grumbullonim këto mjete dhe as të plotësonim këto kërkesa të grevistëve”, tha Ymeri.
“Po të kishin dëgjuar propozimet tona, sot nuk do të kishte nivel të tillë inflacioni”, i është përgjigjur Bajrami, Ymerit./Telegrafi/
Lufta Prigozhin - Putin
Më shumëNga Rubrika
Bajqinovci optimist se Kosova do të kalojë në Këshill të Ministrave të KiE, kritikon BE-në për mosndëshkim të Serbisë
Dëshmitari Qeriqi thotë se me Thaçin është takuar tri herë gjatë luftës, por nuk e dinte pozitën e tij
Ndalohen dy persona në Tetovë, ngjitnin materiale propaganduese gjatë heshtjes zgjedhore
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Joseph: Supriza e KS-së ishte se Kosova dhe Rusia u pajtuan për rëndësinë e fushatës ajrore të NATO-s, Putin e ka hedhur Serbinë nën autobus
UP-ja pezullon nga puna profesorin Xhevat Krasniqi që dyshohet për ngacmim seksual
Nënat e Srebrenicës falënderojnë presidenten Osmani: Një fjalim i tillë do të mbahet mend ndër breza
Haradinaj kërkon dorëheqjen e Qeverisë Kurti, pas publikimit të raportit nga DASH
Raporti i DASh-it, opozita e vlerëson shqetësues, pushteti mohon ndërhyrjet në sistem të drejtësisë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj