Vetëm për një afat – pesë transferimet që Barcelona ia rrëmbeu Chelseat nga dora

Jules Kounde nuk është rasti i fundit që Barcelona e lë Chelsean me “gishta në gojë”.

Blaugranasit po vazhdojnë të jenë të frikshëm në këtë afat kalimtar, derisa e gjithë bota po flet se si në një “krizë financiare”, po ia dalin t’i bëjnë gjithë këto transferime.

Lufta mes Barcelonës dhe Chelseat fillojë me Ousmane Dembelen që ishte me një këmbë jashtë “Camp Nou”-t.

Lexo po ashtu Kur të gjithë e panë Kounden te Chelsea – Barcelona qysh në mëngjes ka arritur marrëveshje me Sevillan

Kontrata e tij me katalunasit skadoi më 30 qershor dhe mediat spanjolle e ato angleze e bënin të kryer kalimin e francezit në “Stamford Bridge” dhe ky do të ishte transferimi i madh i pronarëve të rinj.

Mirëpo, Barcelona e bindi Dembelen që të rinovonte kontratën deri në vitin 2024, duke i lënë Blutë në shikimin e opsioneve të tjera.

Kështu, Chelsea gjeti Raphinhan e Leeds United dhe marrëveshja mes të dyja klubeve u arrit shumë shpejtë për shumën e 64 milionë eurove.

Lexo po ashtu Nëse jo Raphinhan, Chelsea ka gati opsionin e dytë - sërish nga Anglia

Mirëpo, në garë ishte edhe Arsenali e Barcelona, derisa lojtari vendosi t’i priste këta të fundit deri në aktivizimin e levës së parë financiare, për ta kompletuar transferimin dhe kjo gjë ndodhi.

Robert Lewandowski që tashmë i kishte bërë me dije Bayern Munichut se e dëshiron largimin nga “Allianz Arena”, kishte alarmuar klubet evropiane.

Chelsea menjëherë synoi ta transferonte polakun, por edhe kësaj here – Barcelona ishte e shpejt dhe polaku e ndau mendjen që t’i bashkohej vetëm gjigantit katalanas.

Lexo po ashtu Largimi i Lukakut: Tani, Chelsea synon ta 'dridh' botën e futbollit me disa transferime

Një tjetër rast edhe më i rëndë është kur Andreas Christensen nuk vendoi të rinovonte më kontratën me skuadrën londineze, atëherë Barcelona ndërhyri dhe e mori si transferim të lirë.

Këta mund të mos jenë rastet e vetme, pasi Barcelona mund ta çoj në shtatë numrin e lojtarëve që i rrëmben para syve Chelseat.

Cesar Azpilicueta dhe Marcos Alonso po e kërkojnë transferimin te Blaugranasit dhe tani raportohet se Thomas Tuchel e pronarët e rinj të londinezëve janë të acaruar nga kjo sjellje e Barcelonës dhe mund t’i bllokojnë të dy lëvizjet. /Telegrafi/