Kampioni aktual i Formula 1, Max Verstappen, mund të mbrojë titullin e tij në Çmimin e Madh të Japonisë nesër (e diel) në mëngjes.

Reklama

Holandezi i Red Bull do të startojë nga pozicioni i parë, ndërsa konkurrentët e tij të vetëm për titull janë Charles Leclerc (Ferrari) dhe shoku i skuadrës Sergio Perez, që startojnë nga pozitat dy dhe katër.

Janë në 11 mënyra në të cilat Verstappen mund të fitojë titullin në varësi të pozicioneve që Leclerc, Perez dhe ai mund të përfundojnë garën.

Në rast se Max fiton, ai ka nevojë që Leclerc të mos përfundojë i dyti, ndërsa pozicioni i Perez është i parëndësishëm në këtë skenar.

Reklama

Nëse Max zë vendin e dytë pa xhiron më të shpejtë, duhet që Leclerc të jetë i pesti ose më poshtë, pa xhiron më të shpejtë dhe Perez i katërti ose më poshtë pa xhiron më të shpejtë.

Reklama

Nëse Verstappen është i dyti me xhiron më të shpejtë, atëherë ai ka nevojë që Leclerc të jetë i pesti ose më poshtë dhe Perez të jetë i katërti ose më poshtë.

Verstappen mund të fitojë titullin me një vend të tretë, të katërt, të pestë apo edhe të gjashtë, por më pas rivalët e tij duhet të dështojnë në mënyrë të paprecedentë, gjë që është reale vetëm nëse përplasen ose heqin dorë për shkak të ndonjë prishje në makinë.

Reklama

Çmimi i madh i Japonisë në qarkun legjendar Suzuka është planifikuar për nesër (e diel) në orën 7:00 të mëngjesit. /Telegrafi/