Vërejti se paratë po i “zhdukeshin”, instalon kamerë të fshehtë për kuptuar se çfarë po ndodhë – filmohet shoqja e saj e ngushtë duke vjedhur

Një nënë beqare e ka zënë shoqen e ngushtë duke i vjedhur para dhe atë në shtëpinë e saj. Këtë zbulim, ajo e bëri pasi instaloi kamerë të fshehtë në kuzhinë.

Samantha Wood, 27-vjeçe, nga Hedoni i Anglisë, pranoi se nuk mund të ndalte lotët derisa po shikonte Melissa Collier, 28-vjeçe, duke i vjedhur para nga portofoli dhe më pas shtiret kinse është futur në kuzhinë për t’i përgatitur një çaj, transmeton Telegrafi.

Pamjet e regjistruara nga kamera e fshehtë në kuzhinë, shfaq momentin kur Collier që konsiderohej si shoqja e ngushtë e Wood-it, vjedh paratë nga portofoli të cilat më pas i fsheh në sutjena.

Wood ka pranuar se kishte instaluar kamerën e fshehtë, pasi kishte vërejtur se paratë që i kishte kursyer për të birin 9-vjeç ishin “zhdukur”.

Por, Collier pasi është kapur për një rast ka pranuar se kishte vjedhur para nga shoqja e ngushtë.

“Atë ditë ajo sillej sikur të mos kishte ndodhur asgjë. Më tha se po shkon në kuzhinë për të përgatitur një çaj, por në fakt ajo vodhi nga unë. Nuk mund të ndalja lotët derisa po shikoja pamjet e filmuara nga kamera. Ajo ishte shoqja ime e ngushtë të cilën e kam ndihmuar”, ka shtuar Wood. /Telegrafi/