Veprim që u duartrokit në Suedi – boshnjaku shpëtoi një grua nga zjarri që kaploi një ndërtesë

Një djalë i ri nga Bosnja dhe Hercegovina, Jasmin Osmanoviq, u bë yll i medias suedeze brenda natës pasi, së bashku me disa të rinj të tjerë, arriti të shpëtonte një grua nga një zjarr që përfshiu një ndërtesë banimi në Gotenburg.

Zjarri fillimisht përfshiu shkallët dhe më pas u përhap në disa apartamente. Në një nga apartamentet që mori flakë ishte një grua, Ikram Issa Mahamed, e cila nuk kishte qenë në gjendje të dilte nga ndërtesa më herët.

Në atë moment, kamerat regjistruan tre të rinj që u ngjitën në dritaren e banesës ku ishte Mahamed dhe arritën ta nxirrnin nga banesa që po “gëlltiste” zjarrin.

Një nga të rinjtë që mori pjesë në shpëtim ishte boshnjaku Jasmin Osmanović, i cili shpejt fitoi simpatinë e publikut suedez për shkak të këtij akti të guximshëm.

Në një deklaratë për televizionin lokal, Osmanoviq tha se nuk hezitoi për asnjë sekondë dhe u ngjit përgjatë fasadës me dy të rinj në një apartament në katin e dytë për të shpëtuar gruan e tij.

“Unë isha duke hëngër akullore kur pashë ndërtesën duke u djegur. Vrapova atje dhe menjëherë thirra shërbimet e shpëtimit. Ndihem pak krenar”, tha Osmanoviq, i cili gjithashtu njihet në këtë pjesë të Gotenburgut me pseudonimin “Miki”. /Telegrafi/