Azem Syla, ishte munduar ta qetësonte Shaban Sylën që të rrinte i qetë në burg. I premtonte se do të dilte nga aty posa të largohej EULEX-i.
Por, Misioni Evropian për Sundim të Ligjit (EULEX) nuk po largohet. Po i vazhdohet mandati edhe për dy vjet tjera.
Kësisoj, premtimi i Azem Sylës del se ka qenë i pabazuar. Pos që kushëriri i tij, i dënuar me burgim nuk do të lirohet, edhe ai është arrestuar nga misioni i EULEX-it, si i dyshuar se ka drejtuar një grup kriminal prej 51 personash, pjesë e të cilit është edhe Shaban Syla.
Kosova i kërkoi të premten zyrtarisht Brukselit që t’ia zgjatë mandatin edhe për dy vjet misionit të EULEX-it.
Ftesën zyrtare për vazhdim të mandatit të këtij misioni e ka bërë presidenti Hashim Thaçi. Ai i ka shkruar një letër përfaqësueses së lartë të Bashkimit Evropian për politikë të jashtme dhe politika të sigurisë, Federica Mogherini, me anë të së cilës kërkon vazhdimin e mandatit.
Letrës pritet t’i përgjigjet me vazhdim mandati për EULEX-in, deri më 18 qershor 2018, Frederica Mogheri.
Kjo letër e Thaçit zyrtarizon vazhdimin e misionit që tashmë e ka futur në burg Azem Sylën. Syla dyshohet për krim të organizuar, shpërlarje parash e vepra tjera që lidhen me shpronësimin e paligjshëm të 32 hektarëve tokë të shtetit në dalje të Prishtinës. Mbi 30 milion euro vlerësohet se është përfitimi i grupit.
Gjatë hetimeve të Prokurorisë, Azem Syla është përgjuar duke folur dhe duke dhënë urdhra anëtarëve të grupit të tij, ndonëse ka qenë i kujdesshëm duke përdorur shumë shkurt një telefon dhe një sim kartelë. Këtë e ka bërë si masë sigurie për të mos rënë në përgjim.
Hetimet konfirmojnë se njeriu që merrte vendimet përfundimtare të grupit është Azem Syla. Ai është përgjuar duke folur me anëtarët e grupit në dhjetëra raste. Ka folur edhe me anëtarët e grupit që ndodheshin në burg.
Bisedën e fundit me Shaban Sylën e ka pasur me 1 mars të këtij viti.
Prokurori përmend 10 biseda telefonike që nuk janë relevante për rastin, por që tregojnë se si të gjithë të tjerët ishin të varur nga Azem Syla dhe se si ai vlerësonte vartësit e tij.
Azem Syla ka biseduar me Shaban Sylën edhe gjatë kohës sa ishte në paraburgim. Syla është munduar ta qetësojë atë në burg.
Në një bisedë të përgjuar në mes të Leotrim Sylës dhe babait të tij Shaban Syla, telefoni i jepet për të folur Azem Sylës. Azem Syla i thotë Shabanit që të jetë i durueshëm, sepse disa zhvillime pritet të ndodhin së shpejti.
Prokurori thotë se këto zhvillime kanë nënkuptuar largimin e misionit nga Kosova.
Një bisedë tjetër të zhvilluar më 1 mars 2016, paraqitet vetë Azem Syla duke u munduar ta qetësojë Shaban Sylën në mënyrë të ngjashme.
EULEX-i ndërkohë është në një proces hetimor për shkak të dyshimeve për korrupsion. Hetimet janë duke vazhduar për shkak të dyshimeve se zyrtarë të misionit kanë marrë ryshfet.
Subjekt i këtyre hetimeve janë zyrtarë të EULEX-it në krye me ish-kryetarin e Asamblesë së Gjyqtarëve të EULEX-it, Francesco Florit, si dhe ndërmjetës vendës e avokatë. Task Forca për hetime penale është themeluar para një viti e gjysmë pas raportimeve të “Kohës Ditore” për dyshime se zyrtarë të EULEX-it janë përfshirë në korrupsion.
Qeveria e Kosovës i ka dhënë mbështetje vazhdimit të mandatit të misionit të Bashkimit Evropian për Sundim të Ligjit – EULEX-it, edhe për dy vite tjera.
EULEX-i është misioni me i madh i Bashkimit Evropian. Përveç kompetencave të caktuara ekzekutive në fushën e drejtësisë, EULEX-i merret me këshillimin, monitorimin dhe mentorimin e institucioneve të Kosovës në fushën e sundimit të rendit dhe ligjit.
Misioni i EULEX-it është vendosur në Kosovë në qershor të vitit 2008. Me mandatin e ri, EULEX-i rrumbullakon 10 vjet në Kosovë, shkruan Insajderi.com
Promo
Reklamo këtuLufta Prigozhin - Putin
Më shumëNdalohen dy rusë në Jarinjë
DW: Sinjale alarmi nga Ballkani - po përsëritet historia?
“E pashë një person të maskuar me armë në dorë” – policia jep detaje nga tentim vrasja ndaj Marko Jablanvoviqit
Nëna dhe fëmijët u hodhën në lumin Buna, 9-vjeçarja përcillet sot për në banesën e fundit
Detaje të reja nga ngjarja tragjike në Shkodër
KFOR-i, EULEX-i dhe policia me ushtrim të përbashkët, Ultuas: Tregojmë gatishmërinë për të mbrojtur stabilitetin rajonal
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'