Van der Vaart sërish me pretendime të ulëta për Ronaldon

Ish-mesfushori i Real Madridit, Rafael van der Vaart, ka bërë një pohim befasues, duke pretenduar se aftësitë e tij teknike i kalonin ato të Cristiano Ronaldos, ish-bashkëlojtarit të tij.

Van der Vaart, i cili luajti përkrah Ronaldos gjatë sezonit 2009-10, pranoi vendosmërinë dhe përkushtimin e jashtëzakonshëm të Ronaldos për përmirësim.

Megjithatë, kur u pyet për aftësitë e tij teknike, Van der Vaart tha me guxim: “Nëse më pyesni se kush e kishte teknikën më të mirë, unë apo Ronaldo, do të thoja veten për sa i përket prekjes së parë dhe pasimit”.

Van der Vaart ia atribuoi suksesin Ronaldo fokusimit dhe përkushtimit të palëkundur për të shënuar gola dhe për të fituar.

“Mënyra e tij e të menduarit është ndryshimi më i madh”, shpjegoi Van der Vaart. “E shihni nga afër se sa i veçantë është ai, sa përpjekje bën çdo ditë”.

Mesfushori holandez, i cili tani drejton skuadrën nën-19 të Ajaxit të djalit të tij, shpesh përmend Ronaldon si një shembull këmbënguljeje dhe ambicieje.

“Kur shënova një gol pas dhjetë minutash, mendova në rregull, ne patëm një lojë të mirë dhe mund ta shijoj atë tani. Ai nuk ishte i kënaqur. Kur shënoi tre, donte katër gola”, potencoi më tej Van der Vaart. /Telegrafi/