LAJMI I FUNDIT:

Ushtrimet më të mira për largimin e depozitave dhjamore nga barku

Ushtrimet më të mira për largimin e depozitave dhjamore nga barku
(Foto: Pexels)

Mjekët shpesh i paralajmërojnë personat që kanë depozitime të tepërta yndyrore në zonën e stomakut, sepse kanë rrezik më të lartë për t’u prekur nga sëmundjet e zemrës dhe diabeti i tipit 2. Prandaj, përveç një diete të shëndetshme, duhet të përfshini edhe aktivitete fizike.

Kështu që mjekja dhe fiziatrja Laura Cartwright ndau me Fondacionin Britanik të Zemrës se cilat janë ushtrimet më të mira për të eliminuar yndyrën e barkut dhe këshilla të tjera të dobishme që mund t’ju ndihmojnë të humbni peshë.

Për të pasur një trup si Nicole Scherzinger – nga ushtrimet intensive deri te fleksibiliteti dhe qetësia
Lexo po ashtu Për të pasur një trup si Nicole Scherzinger – nga ushtrimet intensive deri te fleksibiliteti dhe qetësia

Megjithatë, duhet theksuar se është e pamundur të zvogëlohen depozitat e yndyrës në një zonë specifike, sepse pjesët tjera të trupit aktivizohen gjithashtu gjatë stërvitjes. Trupi ruan yndyrën si trigliceride, të cilat mund të përdoren si lëndë djegëse në të gjithë trupin, jo vetëm në pjesët e trupit që ushtroni.

Siç raporton revista Heart Matters, Cartwright thotë se së bashku me një dietë të shëndetshme, mënyra më e mirë për të humbur yndyrën e barkut është të merreni me ushtrime aerobike, të cilat ofrojnë një sërë opsionesh. Në këtë mënyrë, do t’ju ndihmojë të krijoni një deficit kalorish që nxit humbjen e yndyrës.

Kjo përfshin çdo aktivitet që rrit rrahjet e zemrës, të tilla si ecja, kërcimi, vrapimi ose noti, dhe gjithashtu mund të përfshijë kryerjen e punëve të shtëpisë, kopshtarinë dhe lojën me fëmijët.

Dëshironi të humbni peshë? Koha më e mirë për të ushtruar për eliminimin e yndyrës
Lexo po ashtu Dëshironi të humbni peshë? Koha më e mirë për të ushtruar për eliminimin e yndyrës

Gjithashtu, stërvitjet e forcës, pilates dhe joga mund t’ju ndihmojnë të humbni yndyrën e barkut. Edhe ushtrimet ulur mund të jenë një mënyrë efektive për të djegur kalori dhe për të rritur nivelet e fitnesit tuaj aerobik nëse e keni të vështirë të ecni ose të qëndroni në këmbë.

Sipas udhëzimeve të Shërbimit Shëndetësor Kombëtar në Angli, duhet të bëjmë të paktën 150 minuta aktivitet me intensitet mesatar në javë. Nëse sapo keni filluar të ushtroni, filloni ngadalë dhe vazhdoni gradualisht. Nuk keni nevojë të ushtroni me një intensitet të lartë për të djegur kalori. /Telegrafi/