Ukraina ka zbuluar një version të ri të raketës së saj të lundrimit Neptun të zhvilluar në vend.
Varianti ndryshon nga raketa "Long Neptun" e treguar më parë dhe vjen në një kohë kur familja e raketave Neptun është bërë një mjet kyç për sulmet ukrainase ndaj objektivave tokësorë thellë brenda territorit rus, raporton The War Zone .
Fotografia e raketës së re u nda në rrjete ociale nga Ministri i Mbrojtjes i Ukrainës, Denis Smihal, gjatë vizitës së kryeministres lituaneze Inga Ruginienë dhe zyrtarëve të tjerë perëndimorë.
Delegacionit iu prezantuan edhe sisteme të tjera vendase, siç është "droni me raketa" Peklo dhe anija pa pilot Magura-7 e armatosur me raketa anti-ajrore R-73.
Versioni bazë i raketës Neptun, i emërtuar R-360, është kryesisht një armë kundër anijeve me një aftësi për të sulmuar objektiva tokësore.
Ajo u zhvillua në bazë të raketës sovjetike Kh-35, dhe sipas prodhuesit, zyrës së projektimit Luch, ajo ka një rreze maksimale prej rreth 300 kilometrash.
Që nga viti 2023, Ukraina ka përdorur gjithashtu një version të optimizuar për sulme tokësore, i cili në vend të radarit përdor udhëzime të kombinuara GPS dhe infra të kuqe, me një rreze prej të paktën 360 kilometrash.
Ndryshe, rritja e rrezes së veprimit të raketës standarde Neptun është e rëndësishme si për sulmet ndaj anijeve ruse në det ashtu edhe për sulmet në tokë.
Sipas deklaratës së zëdhënësit të Marinës Ukrainase, Dmytro Pletenchuk, raketat e serisë Neptun kanë goditur me sukses më shumë se 50 objektiva ruse gjatë vitit të kaluar. /Telegrafi/
