Udhëtimet ju bëjnë më të lumtur sesa çdo pasuri tjetër materialiste

Njerëzve iu pëlqen të bëjnë “shopping”.  Kjo jo vetëm për shkak se kjo shprehi na ndihmon t’i sigurojmë gjërat bazike të jetës por edhe na lumturon.

Pasi që na pëlqen si aktivitet, ne shumë shpesh përfundojmë duke blerë gjëra të cilat nuk janë edhe aq të nevojshme, por thjesht ta gëzojmë momentin dhe të ndihemi të lumtur, transmeton Telegrafi.

Gjithashtu është vërejtur se kur mësoheni me blerjen e re, niveli i kënaqësisë fillon të bie pas një kohe. Kjo pastaj ju nxitë që të dilni të blini prapë gjëra dhe ky cikël e përsëritë veten çdo herë.

Sipas hulumtimeve të kryera nga studentët e universitetit Cornell, ju mund ta thyeni këtë cikël të dëmshëm i cili ju sjell vetëm lumturi të përkohshme dhe shpenzim të parave.

Siç shpjegojnë ekspertët, njerëzit e përjetojnë të njëjtin nivel të lumturisë kur udhëtojnë dhe kur bëjnë “shopping”.

Por, kjo nuk është e vetmja! Krahasimet peshojnë më rëndë për udhëtimet sepse kujtimet që i përjetoni kur vizitoni vende të ndryshme jo vetëm se jua rrisin hormonin e lumturisë gjatë momentit, por edhe ajo lumturi zgjatë më shumë sesa lumturia e përkohshme që e merrni nga shopping-u.

Përvojat janë pjesë më e madhe e jona sesa të mirat materiale. Kujtimet zgjasin përgjithmonë dhe udhëtimet jua rrisin produktivitetin. /Telegrafi/