“Udhëtari në kohë” thotë se vjen nga viti 5,000 – pretendon të ketë dëshmi fotografike për të ardhmen, të cilat nuk tregojnë lajme të mira për njerëzimin! (Video)

Një njeri që pretendon të jetë “udhëtar në kohë” thotë se ka prova fotografike nga viti 5000 – dhe ato prova janë një lajm jo i mirë për njerëzimin.

Sipas mediave të huaja, përcjell Telegrafi, bëhet fjalë për “udhëtarin në kohë”, të njohur vetëm si Edward, i cili ka zbuluar një pamje të hidhur në të ardhmen e njerëzimit.

Lexo po ashtu “Udhëtari në kohë kalon testin e detektorëve të gënjeshtrës”, flet për shërimin e kancerit, të ardhmen e Bitcoin dhe rrugëtimin në Mars (Video)

Ai shfaqet në një video duke mbajtur një fotografi që pretendohet të tregojë jetën në një qytet nënujor, që besohet të jetë Los Anxhelos, 3,000 vjet në të ardhmen.

Edward, i cili kishte ndryshuar zërin e tij pasi nuk donte të identifikohej, pretendon se ishte pjesë e një eksperimenti të fshehtë në vitin 2004.

Duke thënë se ai ishte në gjendje të udhëtonte në kohë, pohon se ai arriti të marrë disa dëshmi fotografike për atë që pa.

Edward, i cili mendohet të jetë filmuar në një park në Armeni, thotë se po punonte në një laborator në Los Anxhelos kur iu dha detyra e udhëtimit dhe fotografimit.

Ai tha për Yahoo News: “Isha duke qëndruar në një platformë të madhe prej druri, jo vetëm unë, shtëpitë, ndërtesat natyrisht, të gjitha prej druri”.

“Dhe pas kësaj kuptova se ishte i njëjti qytet, Los Anxhelos, por nën ujë”.

Lexo po ashtu A është kjo e ardhmja? Pretendimet e habitshme dhe të pazakonta të bëra nga njerëzit që thonë se mund të udhëtojnë në kohë (Foto/Video)

Edward pretendon se njerëzit u detyruan të jetonin nën ujë kur akujt u shkrinë për shkak të ngrohjes globale.

Ky nuk është rasti i parë kur një “udhëtar në kohë” rrëfen për të ardhmen.

Javën e kaluar, një njeri që pretendonte të ishte “udhëtar në kohë” nga viti 2030, bëri disa parashikime befasuese për atë se çfarë do të sillte e ardhmja.

Njeriu, i njohur vetëm si Noah, pretendoi se ishte nga e ardhmja dhe po rrezikon jetën e tij duke u treguar atyre në të tashmen se çfarë ka të ardhmen.

Ndër parashikimet e tij është pretendimi se robotika Google Glass do të përhapet në të gjithë globin – teknologjia gjithashtu do të zhvillohet deri në atë pikë ku do të jetë në gjendje të drejtojë në mënyrë të pavarur një shtëpi.

Sipas tij, Bitcoin do të jetë gjithnjë e më popullor, por pennies dhe centët do të jenë ende në përdorim.

Në 2030 ai thotë se presidenti amerikan do të jetë një figurë misterioze e quajtur Ilana Remikee.

Pretendimi i tij tjetër është se njerëzit do të arrijnë në Mars në vitin 2028 dhe, në të njëjtin vit, do të zbulohet udhëtimi me kohë. /Telegrafi/