Pikërisht 15 vjet më parë, më 21 mars 2006, drejtori i Twitter-it, Jack Dorsey shkroi mesazhin e parë në rrjetin social.

“Unë hapa një llogari në Twitter”, shkruhej në shkrimin e parë në Twitter, i cili tani ka më shumë se 190 milionë përdorues dhe është veçanërisht i popullarizuar nga politikanë, ekspertë në fusha të ndryshme dhe gazetarë.

Twitter me qendër në San Francisko është bërë një lojtar kryesor në mediat sociale në 15 vjet ekzistencë, por edhe me polemika, transmeton Telegrafi.

Rrjeti social befasoi përdoruesit e tij në janar duke bllokuar llogarinë e ish-presidentit amerikan Donald Trump, i cili ishte mjeti kryesor për komunikim.

Twitteri i Trump u ndoq nga rreth 88 milionë njerëz dhe ai u akuzua për nxitje të dhunës edhe pas trazirave të mbështetësve të tij në Capitol Hill.

Në fillim të marsit, Dorsey ofroi të shiste mesazhin e parë në Twitter përmes faqes “Valuables”.

Blerja e një mesazhi do të thotë marrja e një “certifikate digjitale, unike në atë që autori e ka nënshkruar dhe verifikuar atë”, thuhet në faqen e blerjes, duke shtuar se është si të shisni një autograf.

Rreth 2.5 milionë dollarë u ofruan për atë mesazh sot. /Telegrafi/