Gjatë intervistës së parë televizive, të cilën Donald Trumpi e ka dhënë që kur e ka marrë pozitën e presidentit të SHBA-ve, ai ka deklaruar se përgjegjësitë e reja e kanë “shqetësuar”, shkruan Daily Mail.
Në intervistën e dhënë për televizionin “ABC”, ai ka folur gjerësisht për çdo gjë, duke filluar nga “letra e bukur” të cilën e ka marrë nga Barack Obama e deri te përshkrimi i Chicagos si një betejë më e keqe se ajo e Afganistanit, transmeton Telegrafi.
Trump ka pranuar se marrja e të ashtuquajturave “kodet e arta” ose kodet për autorizimin e lansimit të armëve bërthamore, ka qenë një “përvojë e tmerrshme” që i ka treguar se sa shumë përgjegjësi bie mbi pozitën që ai e ka tani.
“Kur më kanë shpjeguar se çfarë përfaqëson kjo dhe për çfarë lloj shkatërrimi bëhet fjalë, më duhet të pranojë se ka qenë një moment shumë shqetësues. Në njëfarë mënyre ka qenë shumë, shumë e frikshme”, ka deklaruar Trump.
Megjithatë, ai ka bërë të ditur se tani është i vetëdijshëm për shumë gjëra, dhe se do të marrë vendime të drejta kur është nevoja.
“Kam besim në veten, do ta bëjë më të mirën të mundshme, por është shqetësuese”, ka shtuar Trump.
Ai ka pasur fjalë të mira edhe për letrën të cilën ia kishte lënë Barack Obama në Shtëpinë e Bardhë, siç e do edhe tradita.
“Nuk do t’ua tregojë, as lexojë, por më duhet të pranojë se është një letër shumë e mirë. Është e shkruar gjatë, me kujdes dhe komplekse. I kam telefonuar që ta falënderojë për mendimet e tij. I jam falënderues”.
Gjatë intervistës së parë televizive, ai gjithashtu ka dënuar rritjen e dhunës në Chicago, duke e përshkruar situatën në atë metropol si një fushëbetejë.
“Është gjakderdhje. Gjakderdhje e tmerrshme. Gjakderdhje të tilla nuk ka as në Afganistan. Gjatë një periudhe të shkurtër kohore mijëra njerëz janë qëlluar. Chicago është si një zonë lufte”, ka thënë ai.
Të martën, Trump ka kërcënuar autoritetet e Illionois se do të dërgoj forcat federale në Chicago nëse nuk reduktohet dhuna në atë qytet.
Ai e ka mbrojtur ashpërsimin e politikave anti-emigracion, dhe pranoi se muri në kufirin me Meksikën do të ndërtohet dhe koston e tij do ta paguajë qeveria meksikane.
Presidenti i Shteteve të Bashkuara, ka folur gjithashtu për atë se si SHBA-të është dashur të mbajnë naftën irakiane.
“Është dashur ta marrin naftën në Irak. Është interesant fakti se si sot nuk do të ekzistonte ISIS-i nëse do ta kishim marrë naftën, sepse ata po e ‘mbushin’ veten me naftë”, ka shtuar ai.
Ndërkaq duke folur për luftën kundër terroristëve, Trump ka thënë se torturimi ka rezultuar efikas në luftën kundër tyre, duke pranuar se këtë informacion ia kanë thënë zyrtarët e lartë të inteligjencës. /Telegrafi/
Promo
Reklamo këtuLufta Prigozhin - Putin
Më shumëEdhe një iu shtua sot - sa shtete e njohin pavarësinë e Palestinës
Dhjetë aeroportet më të pastra në botë - vetëm një është në Evropë
Zelensky tregon se me çfarë faze të re të pushtimit rus po ballafaqohet Ukraina
Gjermania do t’i furnizojë ukrainasit me super radarë – këto janë karakteristikat e TRML-4D
Trupat ruse hyjnë në bazën ajrore në Nigeri, ku janë të stacionuar ushtarët amerikanë
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City