Donald Trump do të kalojë gati nëpër të gjitha procedurat që kalon një qytetar i zakonshëm që akuzohet për krime federale, sipas një burimi ligjor i cituar nga cnn.
Atij do t'i kërkohet të plotësojë formularët, duke dhënë emrin e tij, numrin e sigurimeve shoqërore dhe adresën.
Gishtërinjtë do t’i merren në formë elektronike, dhe jo me ngjyrë, transmeton Telegrafi.
Megjithatë nuk do të fotografohet (mugshot), thotë burimi. Marshali amerikan nuk do t’ia merr ADN si pjesë e këtij procesi.
Ish-presidentit amerikan nuk do t’i vendosen prangat në momentin e arrestimit dhe dërgimit në gjykatë.
Ndryshe, Trump kësaj radhe do të përballet me drejtësinë amerikane shkaku i shpërdorimit të pozitës zyrtare dhe marrjes në shtëpi të dokumenteve të klasifikuara. /Telegrafi/
