Presidenti amerikan Donald Trump, është munduar të arsyetojë raportimet e shumta që Shtëpia e Bardhë kishte bërë kërkesë që luftanija që mbanë emrin e kritikut të Trumpit, John McCain, të fshihet gjatë vizitës së presidentit amerikan në Japoni, raporton BBC.

Në Shtëpinë e Bardhë, Trump, ka mohuar kategorikisht se ka qenë në dijeni për këtë kërkesë, duke thënë se kushdo që e ka bërë një gjë të tillë “ka pasur qëllim të mirë”, transmeton Telegrafi.

Kërkesa që të fshihet luftanija amerikane USS John S McCain nga vendi ku do të vizitonte Trumpi gjatë qëndrimit në Japoni, është mohuar edhe nga zyrtarë të lartë të marinës amerikane.

Reklama

Në zyrën për informim në marinën amerikane kanë bërë të ditur se janë krenar për atë anije, ekuipazhin e saj, emrin dhe trashëgiminë që e bartë.

Reklama

Megjithatë Trump ka mohuar kategorikisht se qëndron pas kësaj kërkese lidhur me anijen që të fshihet në ndonjë port tjetër. /Telegrafi/