Truku i amvisave me përvojë: Këshilla për larjen e xhaketave të dimrit – do të duken si të reja

Është shumë e thjeshtë dhe nëse ndiqni të gjitha udhëzimet, nuk do të ketë gunga në xhaketë

Në etiketat e disa xhaketave, ka një paralajmërim se ato nuk duhet të lahen në rrobalarëse, por është e domosdoshme t’i çoni në pastrim kimik.

Megjithatë, larja me makinë dhe me dorë lejohet për disa xhaketa, por gjatë larjes në makinë, në shumicën e xhaketave shfaqen grumbuj pendësh, gjë që e komplikon shumë tharjen.

Gratë kanë një truk të zgjuar për këtë problem.

– Lani të gjitha xhaketat me tre topa tenisi, ky është rregulli. Më vonë futet në makinë tharëse me gjithë ata topa (mund ta kaloni këtë hap nëse nuk keni makinë tharëse) dhe do të jetë në një formë krejtësisht normale kur të thahet, njësoj si para larjes.

Një truk tjetër është të shkundni pendët dhe xhaketa është në gjendjen e saj origjinale kur hiqet nga makina dhe thahet. Nuk ka grumbuj si kur lahet pa topa.

Përveç topave të tenisit, pa të cilët nuk do të lani kurrë xhaketat e dimrit, ja disa këshilla të tjera të dobishme, transmeton Telegrafi.

Mos lani më shumë se një xhaketë në të njëjtën kohë

Një xhaketë me pendë fryhet gjatë larjes dhe zë pjesën më të madhe të hapësirës brenda kazanit, prandaj mos e mbushni makinën dhe lani vetëm një xhaketë.

Mos përdorni detergjent klasik

Preferohet të lani xhaketat me një detergjent të lëngshëm për rroba të ndjeshme ose një detergjent të specializuar për këtë lloj veshjeje.

Program për rroba të ndjeshme

Çdo makinë ka programe të ndryshme, por për larjen e xhaketave, zgjidhni gjithmonë ato për rroba delikate gjatë të cilave temperatura e ujit nuk kalon 30 ose 40 gradë.

Shmangni centrifugën

Ju nuk keni nevojë të lani xhaketat më shumë se një herë ose më së shumti dy herë në vit dhe kur i lani ato, mos përdorni centrifugë. /Telegrafi/