Truk i gjellëbërëseve me përvojë: Kjo është mënyra e drejtë e fërgimit të mishit të bardhë të pulës

Harroni fërgimin klasik të mishit, sepse tani e tutje mund të fërgoni mishin e bardhë të pulës sikur gjellëbërësit më të mirë!

Kur fërgojmë mishin e bardhë të pulës, ai shpesh do të tkurret, të digjet apo të mbetet i papjekur (elastik). Pra, ky truk do të bëjë që të gatuani fileta mishi të bardhë pule në mënyrë të përsosur.

Filetat e prera të mishit të pulës thani me peshqir nga të dyja anët, qitni kripë dhe piper. Pastaj vendosni në frigorifer për një gjysmë ore.

Ngroheni vajin dhe në temperaturë mesatare fërgoni 9 minuta, ktheni në anën tjetër dhe shtoni një lugë të vogël gjalpë.

Kur gjalpi të shkrihet, fërgoni filetën edhe 6 minuta derisa të bëhet e fryrë.

Në këtë mënyrë mishi i pulës nga ana e jashtme do të bëhet kërcëllues, ndërsa nga e brendshmja i shijshëm dhe e lëngshëm, transmeton Telegrafi.