Tri arsyet pse Bellingham mund të zgjedhë Real Madridin para Liverpoolit

Ylli i Borussia Dortmundit dhe Anglisë, Jude Bellingham, është lidhur shumë me një lëvizje te Liverpool dhe Real Madrid në muajt e fundit.

Anglezi impresionoi te Tre Luanët në Kampionatin Botëror në Katar, duke rritur reputacionin e tij në skenën globale në moshën vetëm 19-vjeçare.

Ai ishte 16 vjeç kur bëri debutimin e tij të parë për Birmingham City, përpara se të transferohej në Dortmund një vit më vonë.

Bellingham është një nga yjet më të mirë të Bundesligës dhe paraqitjet e tij kanë alarmuar elitën evropiane.

Liverpooli dëshiron të forcojë mesfushën e tyre në afatin e ardhshëm për shkak të lëndimeve dhe kontratave që skadojnë, ndërsa Reali, sipas The Telegraph, e sheh Bellinghamin si një pasardhës natyral të Luka Modric.

Por, ata janë të rivalizuar për transferimin e mesfushorit edhe nga Manchester United dhe Manchester City, ndërsa Bayern Munic , Arsenal dhe Chelsea kanë po ashtu interesim, por më të vogël.

Tani, AS ka pohuar se ka tre arsye pse Bellingham mund të zgjedhë të kalojë te Real Madridi në vend të klubeve të tjera, përfshirë Liverpoolin.

Mediumi spanjoll pretendon se presidenti Florentino Perez ka një marrëdhënie të ngushtë me drejtorin sportiv të Dortmundit, Hans-Joaquim Watzke, me dyshen që kanë përfunduar disa marrëveshje mes dy klubeve në vitet e fundit, duke përfshirë Achraf Hakimi dhe Reinier.

Gjithashtu shtohet se historia e Realit – duke përfshirë 14 Kupat e tyre Evropiane, më shumë se çdo klub tjetër – do të ndihmonte për të bindur Bellinghamin të bënte lëvizjen në Bernabeu.

Së fundi, ata pretendojnë se paraqitjet e fundit të 19-vjeçarit në Kupën e Botës do të ndihmonin gjithashtu një lëvizje në Los Blancos. /Telegrafi/

https://www.youtube.com/watch?v=YhRqjyWgCP0