Pas sulmeve tronditëse ndaj disa grave në Gjenevë, policia zvicerane arrestoi disa të dyshuar. Falë deklaratave të viktimave, ngjarjet tani kanë mundur të rindërtohen saktësisht.
Gratë nuk kishin asnjë mundësi për tu mbrojtur kundër sulmit të keq të banditëve.
Vetëm tre kosovarë të guximshëm kanë arritur t`i dëbojnë sulmuesit. Gjatë këtij sulmi, të plagosura mbetën pesë femra. Njëra nga to ka mbetur e shtrirë në dysheme pa vetëdije.
Një shoqe e saj e ndriçon në sy me dritën e telefonit të saj – por ajo nuk reagon. Vetëm disa ditë më vonë, ajo ka arritur të zgjohet nga koma. Edhe sot e kësaj dite, viktima nuk mund të shkojë në punë, për shkak të pasojave të asaj që i ka ndodhur. Bile nuk i kujtohet edhe incidenti, shkruan “Tribune de Genève”.
Më në fund, mëngjesin e së hënës u aktivizuan edhe prangat: Policia franceze arrestoi tre persona të dyshuar që ishin përfshirë në sulmin në Gjenevë. Tani, prokurorja publike e Annecy thotë: Të dyshuarit duhet të jenë një grup prej të paktën gjashtë personash.
Të tre të dyshuarit më në fund u paraqitën para gjykatësit hetues. Ata pranuan se natën e kobshme kishin qenë në vendngjarje, por mohuan ndonjë përfshirje. Të gjithë shtetas francezë dhe midis moshës 20 dhe 25 vjeç. Tre të rinjtë janë nga rajoni i Thonon-les-Bains dhe të gjithë tashmë janë të njohur për delikte të ndryshme.
Pothuajse një muaj e gjysmë pas sulmit, tani janë zbardhur detajet e natës horror të Gjenevës.
Gazeta “Tribune de Genève” ka inskenuar ngjarjet e asaj nate në bazë të dëshmive të grave dhënë policisë. Kjo tregon gjithë pamëshirshmërinë me të cilën sulmuesit kanë vepruar mbi viktimat e tyre.
Disponimi ishte i mrekullueshëm asaj nate, kur katër gratë shkojnë në klubin Le Petit Palace në zemër të Gjenevës. Ishte pas orës 03.00 të mëngjesit kur njërës prej tyre i afrohet një i huja dhe ftohet për një pije. Gruaja e re e mban mend mirë këtë person, sepse krahun e kishte vënë mbi banak.
Megjithatë, ajo e refuzon ofertën e njeriut dhe kthehet në sipërfaqen e vallëzimit me shoqet e saj. Aty, gjithashtu, një grua tjetër nga grupi ftohet nga një person tjetër. Më vonë, ai është përshkruar si i hollë dhe me flokë të zinj.
Përveç kësaj, asaj mbrëmje në diskotekë ai kishte veshur një këmishë të verdhë me kafkë dhe kryqëzime mbi të.
Për grupin, mbrëmja përfundon pak më vonë në Le Petit Palace. Gratë e lëshojnë lokalin në mes orës 04.00-05.00 të mëngjesit dhe kanë dashur të kthehen nëpër shtëpitë e tyre, kur atyre iu bashkua një grua tjetër e re që ishte e rrethuar me persona të panjohur dhe e sulmuar fizikisht. Shoqet nuk kanë ngurruar dhe kanë dashur ta zgjidhin mosmarrëveshjen. Por papritur ata e gjejnë veten të involvuar në një grindje të egër.
Sipas deklaratave të grave dhënë policisë, ato papritmas sulmohen nga rreth pesë persona dhe rrihen me goditje e shqelma. Midis sulmuesve dyshohet se ka qenë edhe personi që e kishte vendosur krahun mbi banak.
Në fillim të kësaj jave, hetuesit kanë arritur t`i arrestojnë tre sulmuesit, gjë që ka shkaktuar lehtësim shpirtëror tek viktimat. Avokati i viktimave, Robert Assaël, është duke shpresuar se ndaj tyre do të shqiptohet ndonjë vendim i ashpër. “Ky është një sulm shumë i rëndë. Prandaj sulmuesit duhet të akuzohen për vrasje në tentativë”.
Lufta Prigozhin - Putin
Më shumëNga Rubrika
Bytyqi: E papranueshme rritja e çmimit për sigurimin e makinave, kompanitë të tërheqin menjëherë vendimin
Aplikoi për kredi në emër të një personi tjetër, arrestohet 34-vjeçari nga Dibra
Demiri: Nuk është e ligjshme që Klinika të mos jetë e siguruar, menaxhmenti duhet të marrë përgjegjësi për këtë
A do të jetë Kosova vendi i parë në botë me shumicë myslimane që do të mundësojë martesat e së njëjtës gjini, Martens: Me sa duket po
FSK zgjedh ushtarin më të mirë për vitin 2024
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Tentim-vrasja në Dragash, dhëndri plagos ish-vjehrrin jashtë objektit të gjykatës
Gjenden pa shenja jete dy personaa, njëri në Fushë Kosovë e tjetri në Prishtinë
Plagoset një person në Dragash
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre