Transferimi i Fabinhos në Arabinë Saudite në rrezik kolapsi për shkak të qenit të tij

Transferimi i Fabinhos në Al Ittihad thuhet se rrezikon të anulohet për shkak të kafshëve të tij shtëpiake.

Burimi që shpërndau lajmin fikson një fragment nga faqja e internetit e Ambasadës së Arabisë Saudite, ku thuhet se ‘qenve nuk u lejohet hyrja në Mbretërinë e Arabisë Saudite në asnjë rrethanë’.

Epo, e vërteta është se Fabinho në fakt zotëron bulldogë francezë, të cilët me sa duket lejohen të hyjnë në Arabinë Saudite pasi nuk konsiderohen të rrezikshëm dhe agresivë.

Lexo po ashtu Liverpool merr ofertë nga Al-Ittihad për Fabinhon, por mund të kërkojë më shumë

Uebfaqja e asistencës PetRelocation.com vëren se bulldogët nuk lejohen të hyjnë në Arabinë Saudite – por përsëri, nuk bëhet fjalë për bulldogë francezë.

Një gjë interesante është se në faqen e internetit të Ambasadës së Arabisë Saudite thuhet edhe sa vijon.

“Qentë që hyjnë në Arabinë Saudite duhet t’i përkasin njërës prej këtyre kategorive: gjueti dhe roje”.

Këtu qëndron një problem i mundshëm, megjithëse teknikisht nuk duhet të jetë shumë e vështirë për të vërtetuar se ka nevojë për qenin për sigurinë e tij. /Telegrafi/