LAJMI I FUNDIT:

Trajneri i Kroacisë, Dalic flet për përballjen kundër Argjentinës dhe taktikat ndaj Messit

Trajneri i Kroacisë, Dalic flet për përballjen kundër Argjentinës dhe taktikat ndaj Messit

Trajneri i Kroacisë, Zlatko Dalic ka thënë se ekipi i tij do të duhet të jetë në më të mirën e tyre dhe të disiplinuar për të frenuar kërcënimin e Lionel Messit në gjysmëfinalen e Kupës së Botës “Katar 2022” ndaj Argjentinës të martës.

Dalic ka thënë se Kroacia nuk do ta markojë Messin, por synon të përsërisë qasjen mbrojtëse që kufizoi ndikimin e Neymarit në suksesin e tyre në çerekfinale kundër Brazilit.


Një fitore 4-2 me penallti të premten pas një barazimi 1-1 në kohë të rregullt dhe në shtesë në Education City Stadium i siguroi Kroacisë një paraqitje të dytë radhazi në gjysmëfinale të Kupës së Botës.

Neymar i dha epërsinë Brazilit në pjesën e parë të kohës shtesë përpara se goditja e devijuar e Bruno Petkovic ta çonte lojën në penallti.

Përveç golit të tij, ylli i Brazilit u përpoq të depërtonte në mbrojtjen e Kroacisë. Duke zënë një pozicion pak më qendror dhe me Vinicius Jr në të majtë, dy lojtarët arritën vetëm një pasim kyç dhe pesë driblime të përfunduara nga 14 mes tyre, ndërsa Mario Pasalic, Josip Juranovic dhe Luka Modric punuan pa u lodhur për t’i bërë presion.

Jeta nuk do të jetë shumë më e lehtë për Kroacinë në ndeshjen e tyre të radhës pasi përballen me Messin dhe Argjentinën, teksa për këtë takim ka folur Dalic.

“Ne duhet të ruhemi nga Messi, por jo në stilin lojtar për lojtar, pasi nuk e bëmë këtë në takimin tonë të fundit”, ka thënë fillimisht trajneri i Kroacisë.

“Ne e dimë se sa vrapon, sa shumë i pëlqen të luajë me topin në këmbë dhe çelësi i fazës sonë mbrojtëse do të jetë disiplina. Nëse e përsërisim të njëjtën gjë si kundër Brazilit, që është të jemi afër tij, t’i qëndrojmë pranë lojtarit, nuk kemi pse të kemi frikë”.

Dalic ishte i prirur të theksonte se Messi nuk mund të jetë fokusi i tyre i vetëm.

“Do të bëjmë një analizë të detajuar të Argjentinës sepse nuk kemi qenë kaq të fokusuar tek ata deri më tani”.

“Messi është ende lojtari i tyre kryesor, i cili luan shkëlqyeshëm dhe e bartë këtë kombëtare. Ata gjithashtu kanë disa lojtarë të rinj, të talentuar dhe duken shumë të rrezikshëm”.

“Megjithatë, ata treguan se çalojnë në mbrojtje sepse udhëhoqën 2-0 kundër Holandës, dhe në fund mezi arritën penalltitë me 2-2. Varet nga ne që të japim më të mirën tonë dhe të shkojmë në lojë njëqind për qind të përqendruar”, përfundoi Dalic. /Telegrafi/

Në trend Sport

Më shumë
Barcelona kontakton ish-yllin e tyre i cili ështe ende aktiv në futboll, për t’u bërë asistent i Flickut

Barcelona kontakton ish-yllin e tyre i cili ështe ende aktiv në futboll, për t’u bërë asistent i Flickut

La Liga
Real Madridi do të nënshkruajë këtë verë me sulmuesin që shënoi 18 gola për vetëm 1.5 milionë euro

Real Madridi do të nënshkruajë këtë verë me sulmuesin që shënoi 18 gola për vetëm 1.5 milionë euro

La Liga
Eksod te Bayern Munichu këtë verë – largohen shtatë futbollistë, vlera e të cilëve llogaritet 340 milionë euro

Eksod te Bayern Munichu këtë verë – largohen shtatë futbollistë, vlera e të cilëve llogaritet 340 milionë euro

Bundesliga
Man City është gati të shesë një nga blerjet e tyre më të mëdha në histori vetëm një vit pasi e solli atë në Etihad

Man City është gati të shesë një nga blerjet e tyre më të mëdha në histori vetëm një vit pasi e solli atë në Etihad

Premier League
Hansi Flick dëshiron ta bëjë yllin e Leverkusenit blerjen e parë te Barcelona

Hansi Flick dëshiron ta bëjë yllin e Leverkusenit blerjen e parë te Barcelona

La Liga

"Nuk do të toleroj dikë që të përdorë emrin tim" - Ter Stegen shpërthen dhe mohon të ketë folur me Laportan për Xavin

La Liga
Kalo në kategori