Bordi i Federatës së Hendbollit të Kosovës ka zgjedhur të enjten trajnerët e grupmoshave të reja të Kosovës në hendboll. Trajnerët janë zgjedhur për djem dhe vajza.
Hendbollistët e rinj do t’i drejtojnë dy prej emrave më të mëdhenj të hendbollit kosovar. Verim Zherka është zgjedhur trajner i skuadrës U-18, përkatësisht i hendbollistëve të lindur në vitin 2004 dhe më të rinj.
Drejtimi i ekipit U-20, përkatësisht i lojtarëve të lindur në vitin 2002 dhe më të rinj, i është besuar Arben Muqollit.
Te hendbollistet, Mitat Ferati do të drejtojë skuadrën U-17, përkatësisht lojtaret e lindura në vitin 2006 dhe më të reja. Ekipin U-19 tani e udhëheq Granit Sahiti. Bëhet fjalë për lojtaret e lindura në vitin 2004 dhe më të reja.
Ferati është trajner në Zvicër, ku punon kryesisht me grupmosha të reja. Ndërkohë Sahiti punon te Ferizaj dhe po ashtu shquhet për punë me të reja.
Trajnerët menjëherë do të nisin angazhimin për aktivitetet e radhës që organizohen nga EHF-ja dhe IHF-ja. Mandati i tyre është dyvjeçar me mundësi vazhdimi edhe për dy të tjera, varësisht nga rezultatet dhe puna e bërë.
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251