Duket se mbyllja për shkak të pandemisë së coronavirusit ka ndikuar edhe tek ish-kryeministri britanik Tony Blair, i cili sikurse shumë qytetarë nuk ka mundur për një kohë të gjatë të shkoj te berberi – kështu u shfaq para kamerave me flokë relativisht të gjata.

Kjo ngjarje natyrisht se ka nxitur përdoruesit e rrjeteve sociale, që përshtypjet e tyre të para pas kësaj paraqitje t’i ndajnë me të tjerët, transmeton Telegrafi.

Kështu në pyetjen se kujt i ngjanë Tony Blair, kanë arritur shumë përgjigje “interesante”. Aty ka pasur gjithçka nga pak – që Blair ngjan me Golumin nga filmi “Lord of the Rings” apo Doc Brown nga “Rikthimi në të ardhmen”.

Ndryshe, Blair u shfaq me flokë të gjatë një interviste dhënë për Paul Brand nga ITV-ja, ku foli për referendumin për pavarësinë e Skocisë.

E të tjerëve transformimi i frizurës u ka ngjarë me atë të aktorit Nicolas Cage, e disa janë përkujdesur që të “zbulojnë” se si Blair ishte dukur në rininë e tij.

Berberët në Britani të Madhe kanë rifilluar punën më 12 prill – ku nëpër lokalet e tyre janë regjistruar flukse të qytetarëve që me padurimin prisnin të prenë flokët. /Telegrafi/