Thaçi: Maqedonia në aleancë me Serbinë (Video)

Kryetari i Partisë Demokratike Shqiptare, Menduh Thaçi, në rezidencën e Ambasadës Britanike në Shkup zhvilloi takim me Ministrin Britanik të Shtetit për Evropën, David Lidington, të cilin e shoqëronte edhe Ambasadori Britanik në vend, Charles Garrett. Në takim është biseduar për situatën politike në vend, për marrëdhëniet ndëretnike, për integrimet Euro Atlantike, si dhe për organizimin e zgjedhjeve të lira dhe demokratike, thuhet në komunikatën e PDSH-së drejtuar Telegrafit në Maqedoni.

Në takim u bisedua për aktualitet politike në Maqedoni. Pas takimit, Menduh Thaçi u prononcua edhe për çështjen e paraburgimit të Gafurr Dugollit dhe pritjen që ai do të ekstradohet. ”Është skandaloze, Maqedonia në njëfarë forme dhe mënyre do që të tregoj aleancë me Serbinë, kjo është e palejueshme, unë mendoj se kjo procedurë urgjentisht duhet të ndërpritet dhe mos pranohen flet arrestet të cilat i ka lëshuar Serbia, përndryshe nuk ka kuptim kurrfarë marrëveshje që nënshkruhet mes Serbisë dhe Kosovës.” deklaroi Thaçi./Telegrafi/