Nëse je në grupin e atyre njerëzve që mezi presin fundjavën për t’u çlodhur nga puna dhe streset e javës, natyrisht bën edhe ti gabimet që i bëjnë pjesa më e madhe e njerëze. Në vend që të ndihesh më mirë pas fundjavës dhe më energjike për nisjen e një jave të re, në fakt nëse bën këto gabime, je më e lodhur dhe më më pak gati për të rinisur të hënën me energji.
Shawn Stevenson, autor i “Sleep Smarter”, tregon se: “Zakonisht, ne kemi rutinën tonë si gjatë javës, ashtu edhe në fundjavë, por përjetojmë tmerrin e së dielës në mbrëmje, sepse duhet të zgjohemi herët të hënën në mëngjes.” Dhe për t’u ndier më qetë dhe më lehtë të hënën, ai tregon se ka disa gabime që duhet t’i shmangësh. Ja cilat janë ato:
Gabimi 1: Qëndron në shtrat gjatë gjithë kohës
Fundjava konsiderohet edhe koha kur do të rikuperosh gjumin e humbur, por edhe të çlodhesh nga java e ngarkuar. Megjithatë, sa më gjatë të rrish në shtrat, aq më shumë do ta ndiesh veten të lodhur dhe të këputur gjatë ditës.
Gabimi 2: Nuk bën ushtrime gjatë fundjavës
“Nëse nuk zgjohesh herët në mëngjes dhe nuk bën asnjë lloj aktiviteti, cikli i përgjumjes do të vazhdojë” – thotë Stevenson.
Gabimi 3: Pi shumë alkool
“Alkooli është armiku numër një i gjumit”, – thotë Colon, autor i librit “The Sleep Diet”. “Ka edhe benefite që vijnë nga alkooli i moderuar, por nëse do të pish pa masë, ai e ndërpret ritmin e gjumit dhe të krijon probleme me organizmin.
Gabimi 4: Ha shumë para se të flesh
Pastat e së dielës janë aty dhe po të tundojnë? Të hash shumë në mbrëmje është një simptomë e sigurt për rëndesën në stomak dhe kjo ndikon drejpërdrejt në mungesën e gjumit: “Nuk do të rekomandoja të hash shumë karbohidrate në mbrëmje pikërisht për këtë arsye”, thotë Colon. Përpiqu të zvogëlosh porcionet dhe ta hash darkën rreth orës 19.00.
Gabimi 5: Të dielën pi kafe në orët e vona të pasdites
Nëse gjumi është çorientuar dhe shkon deri në orët e vona, kjo ndodh edhe sepse mund të pish kafe në orët e vona të së dielës, shkruan revista class. Ky është një zakon i keq, i cili të prish gjumin dhe ndikon në çrregullimin e sistemin nervor.
Gabimi 6: Shikon filma ose show-t e preferuar nga krevati deri në orët e vona
Sigurisht, kjo është një mënyrë e mirë për ta shfrytëzuar të dielën, por nuk mund të ndodhë për orë e orë të tëra dhe për më tepër, shtrirë në orët e vona të natës.
Gabimi 7: Përdor laptop-in, tablet apo smartphone para se të flesh
Gjatë gjithë ditës drita që të bie në sy nga këto pajisje teknologjike eliminon melatoninën, hormoni që i jep sinjal trurit se trupi është gati për gjumë. Kështu, të paktën një orë para se të flesh, duhet të heqësh dorë nga çdo lloj pajisje teknologjike.
Gabimi 8: Shpenzon të gjithë të dielën duke menduar për punët që të presin
Janë disa punë që duhen bërë në kohën e tyre, por e keqja jonë më e madhe është që më shumë humbasim kohë duke menduar se sa bëjmë gjërat që duhen bërë. Ashtu si java, edhe fundjava duhet organizuar në mënyrë të tillë që e hëna, e marta dhe të gjitha ditët e tjera t’i kenë punët të ndara. Organizohu pak më shumë! /Telegrafi/
Promo
Reklamo këtuLufta Prigozhin - Putin
Më shumëKatër modele flokësh që janë perfekt për flokë të hollë dhe të rrallë
Qindra emra shqiptarë dhe ilirë për fëmijën tuaj
Jessica Biel i bashkohet trendit më të kërkuar të flokëve këtë sezon
Si ndikojnë skenat e intimitetit në filma te fëmijët
Tri ushtrime të fuqishme dhe efikase të cilat për 30 ditë eliminojnë celulitin
Ylli i “Squid Game”, HoYeon Jung, jep disa këshilla bukurie
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Në vitin 2017 punonte në ndërtimtari, ndërsa tani ftohet nga Kroacia për në Euro 2024: Kush është Marco Pasalic
I akuzuari: Bashkë me familjen kam mbi 10 milionë euro pasuri, s’kam pasur nevojë të pastroj para
Spahiu: Në shtator nis seria e vrasjeve hakmarrëse të kriminelëve, porosi nga Dubai
Aksioni i Policisë në veri, u konfiskuan rreth 75 milionë dinarë, 1.6 milion euro, dollarë e franga
Gjyqtari përdori një rregull që pak kush e njeh në boks gjatë humbjes së Furyt nga Usyk
Shtëpia e Bardhë: Presidenti iranian 'kishte gjak në duart e tij'