Telegrafi Jobs lanson konceptin e ri dhe unik

Telegrafi Jobs – shoku yt për punë, ka shpalosur konceptin e ri të platformës për punësim dhe shpallje, duke sjell revolucion në këtë fushë. Çfarë e bën këtë platformë unike është fakti se Telegrafi Jobs ka kombinuar shpalljen e vendeve të punës me mediat më me influencë në vend, Telegrafi dhe Radio Dukagjinin. Përveç kësaj Telegrafi Jobs ka sjellë modulin smart, bëjnë të ditur udhëheqësit e platformës. 

Kjo platformë do t’ju ndihmojë të gjithë atyre që janë në kërkim të punës ose duan të gjejnë punëtorë për biznesin e tyre. E gjithë kjo vjen në një formë krejt të veçantë nga ajo që keni parë deri tani.

Platfoma Telegrafi Jobs, ka sjellë revolucion të vërtetë në mënyrën se si punëkërkuesit dhe bizneset ndërveprojnë me njëri-tjetrin. Për më tepër ekipeve të HR platforma do t’ua bëj më të lehtë menaxhimin e konkurseve, duke ua mundësuar që përmes një llogarie të vetme të hapin dhe menaxhojnë disa kompani.

Menaxheri i Telegrafi Jobs, Brezar Xërxa pas lansimit të konceptit të ri të platformës bëri të ditur se kanë  punuar me përkushtim për të siguruar që kjo platformë të përshtatet me nevojat e secilit, qoftë ata që janë në kërkim të punës ose që janë në kërkim të punëtorëve për bizneset e tyre. 

“Telegrafi Jobs ka ofruar një gamë të gjerë mundësish dhe opsionesh për të gjithë, duke u siguruar që edhe çmimet e pakove të jenë të arsyeshme bazuar në atë që ofrohet.”, deklaroi Xërxa.  

Cilat janë risitë në kaudër të konceptit të ri të Telegrafi Jobs?

Në konceptin e ri të Telegrafi Jobs përfshihen këto katër pako: basic, pro, premium dhe shpallje. Në pakon e parë bazike publikohen konkurse standarde të punës të përshtatshme për buxhete të vogla, publikimet pro të konkurseve të punës janë formate më të fuqishme të konkurseve sepse shfaqen në ballinë të portalit Telegrafi, në kategori, tags dhe artikuj.

Ndërkaq në pakon premium, krahas veçorive të pakos pro, konkurset tuaja të punës do të publikohen në radion numër një në Kosovë, Radio Dukagjinin, do të shfaqen si reklama në të gjithë ekosistemin e Telegrafit, si dhe do të shpërndahen në rrjetet sociale të Telegrafit me mbi 900 mijë ndjekës.

Në pakon e fundit hyjnë shpalljet që është i dedikuar për grante, subvencione, kurse dhe bursa. Kjo pako përfshinë veçoritë e pakos premium dhe shumë më tepër. Shpalljet tuaja do të pubilkohen si artikuj dhe në rubrikë të veçantë.

Telegrafi Jobs do të jetë partneri juaj i rekrutimit njëkohësisht shoku yt për punë.

Për më shumë informata na kontaktoni në numrin e telefonit 049 603 607 dhe email adresën jobs@telegrafi.com