Të paktën një person u vra dhe 12 të tjerë u plagosën nga të shtënat në Kroger në Collierville, Tennessee, ka thënë shefi i policisë Dale Lane të enjten pasdite.

Sulmuesi gjithashtu u gjet i vdekur, tha Lane, shkruajnë mediat e huaja, përcjell Telegrafi.

Të paktën një pacient u dërgua në Spitalin Memorial Baptist në Collierville, tha zëdhënësja Kimberly Alexander për CNN.

Megjithatë, ajo nuk ka dhënë asnjë informacion mbi gjendjen e pacientit.

Sipas mediave të huaja, përcjell Telegrafi, rreth orës 1:30 pasdite, Qendra e Komunikimeve Collierville mori një telefonatë për një sulmues aktiv në Kroger, u tha Lane gazetarëve jashtë dyqanit.

Makina e parë patrulluese e departamentit mbërriti katër minuta më vonë dhe njësitë e tjera filluan të vërshojnë zonën, sipas shefit.

Kur oficerët hynë në dyqan, ata gjetën njerëz që ishin qëlluar.

Një ekip SWAT, oficerë patrullimi dhe anëtarë të tjerë të stafit të komandës shkuan në korridor dhe dhomë në dhomë, duke nxjerrë punonjësit që ishin fshehur dhe ndihmuar viktimat e plagosura, tha Lane. /Telegrafi/