Kryesia e Kuvendit të Kosovës në mbledhjen e mbajtur sot ka marrë vendim që gjatë kësaj jave të mbahen dy seanca, më 22 dhe 23 qershor dhe një në fillim të javës së ardhshme.
Ajo e së mërkurës do të jetë vazhdim i seancës së ndërprerë më 16 qershor, kurse e së enjtes dhe e së hënës, do të jenë të reja.
Në seancën e së mërkurës në rend dite do të jetë edhe shqyrtimi i Projektligjit për tërheqjen e 30% të kursimeve nga Trusti.
Shefja e Grupit Parlamentar të Lëvizjes Vetëvendosje, Mimoza Kusari-Lila, pas mbledhjes së Kryesisë së Kuvendit, ka thënë se si grup parlamentar vazhdojnë të kenë qëndrimin e njëjtë sa i përket Trustit.
“Qëndrimi është njëjtë pasi qëndrimi është i bazuar në fakte dhe argumente”, tha ajo.
Shefi i GP-së së Partisë Demokratike të Kosovës, Abelard Tahiri, përveç për tërheqjen e 30 për qind të mjeteve nga Trusti, ka folur edhe për kërkesat e organizatave të dala nga lufta, për përfshirje në Projektligjin për pagën minimale.
Ai beson që në javët në vazhdim do të arrihet marrëveshje.
“Ju e dini që të mërkurën në rend dite do të jetë një draftligj për mundësimin e tërheqjes së 30 për qind të kursimeve nga Trusti, kërkesë kjo që po vjen në kohën kur vendi po ballafaqohet me rritje të çmimeve të secilit produkt esencial ushqimor, të derivateve e të energjisë elektrike. Nuk është në vullnet as të opozitës që t’i bllokojmë seancat, ne nuk largohemi nga Kuvendi, këtu e bëjmë betejën, por jo të lejohet të vazhdohet sikur është gjithçka normale kur po protestohet pikërisht në Kuvend”, ka shtuar ai.
Besnik Tahiri, shef i GP-së të AAK-së, ka thënë se në mbledhje të kryesisë ka kërkuar që në seancën e radhës, ku do të trajtohet ngritja e çmimeve, të flitet për masat konkrete që kjo Qeveri duhet t’i marrë.
“Janë disa çështje qe doja ti gris sot. E para ka të bëjë me një temë që për AAK është e rëndësishme ajo e ngritjes se çmimeve. Kosova është në një kolaps ekonomik. Kërkova që në seancën e radhës të trajtohen ngritja e çmimeve të flasim për masat konkrete. Për trustin jemi duke punuar. Shpresojmë që deputetët do të reflektojnë”, tha ai. /Telegrafi/
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
"Më mirë se vendi ynë nuk ka", rrëfimi i Fitim Maliqit që posedon mbi 10 mijë zogj të pulave
Eksploro natyrën me veshjet e stilit taktik të Melodia Px
Evapify - Pasagjeri yt i përhershëm
Telegrafi Jobs, busulla jote për karrierë
Gjiganti zviceran “Lika Group” synon ta zbukurojë Prishtinën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë