Tashmë mund të jeni edhe ju ‘Super Mario’: Japonia jetëson parkun e video-lojës së famshme edhe në jetën reale

Universal Studios Japan (USJ) hap të enjten investimin e saj  saj prej 550 milion dollarësh, me temë Mario në një hap të madh nga prodhuesi i lojërave Nintendo Co Ltd përtej botës virtuale.

Duke hyrë përmes një tuneli gjigant, vizitorët e “Super Nintendo World”, një version në botën reale të krijuesit të lojërave Shigeru Miyamoto’s Mushroom Kingdom, ju mund të kujtoni se po hyni në tunelet ku hyn Mario në lojën e tij.

Në atraksion, hapja e të cilit u vonua për shkak të pandemisë COVID-19, vizitorët mund të blejnë një “bandë energjie” prej 30 dollarësh e cila sinkronizohet me aplikacionin e parkut për t’i renditur ndërsa mbledhin monedha dhe mposhtin ‘armikun’, transmeton Telegrafi.

“Ju mund të bëheni Mario”, u tha gazetarëve Ayumu Yamamoto, nënkryetar në departamentin e marketingut të USJ. USJ është në pronësi të Comcast Corp.

Lojërat e reja janë: “Mario Kart: Koopa’s Challenge”, një udhëtim duke përdorur kufje të realitetit të shtuar dhe “Yoshi’s Adventure” më e qetë për vizitorët e rinj.

Vizitorët formuan një radhë të gjatë për t’u bashkuar me provën teknike të Super Nintendo World një ditë para hapjes. USJ aktualisht po operon me kapacitet të reduktuar. /Telegrafi/