LAJMI I FUNDIT:

Takimi i dy ministreve të Jashtme, Gërvalla i kërkon Xhaçkës koordinim për qasjen ndaj Serbisë

Takimi i dy ministreve të Jashtme, Gërvalla i kërkon Xhaçkës koordinim për qasjen ndaj Serbisë

Shqipëria nuk heq dorë nga Open Balkan dhe as nga kërkesat ndaj Kosovës për t’iu bashkuar iniciativës.

Në ambientet e Ministrisë së Jashtme, Olta Xhaçka, nuk nguroi t’i kërkonte homologes së saj nga Kosova Donika Gërvalla, të ardhur për vizitë, angazhimin në nismat rajonale.

“U angazhuam për zbatimin e plotë të marrëveshjes mes dy ministrive të Jashtme, mbi bashkëpunimin strategjik në fushën e politikës së jashtme nëpërmjet harmonizimit të aksioneve, diplomacisë mbi arritjen e objektivave strategjikë kombëtarë, ku përparësi mbetet anëtarësimi i Republikës së Kosovës në nismat rajonale dhe në organizatat ndërkombëtare. Shqipëria do të jetë gjithnjë në krah të Kosovës”, tha Xhaçka.

Në përgjigje të ftesës, Gërvalla i kujtoi Xhaçkës tensionet në veri të Kosovës, ndërsa kërkoi prej saj një koordinim në qëndrimin ndaj Serbisë.

“Si në çdo familje të madhe, duhet të diskutojmë dhe për temat që janë shqetësuese. Gjatë muajve të fundit, ashtu siç e kanë parë të gjithë, gjuha e fqinjit tonë verior, Serbisë, është ashpërsuar së tepërmi. Duhet të jemi të kujdesshëm që paqen ta forcojmë. Duhet një koordinim më i mirë i vendeve të rajonit ndaj Serbisë”, tha ajo.

Në vend të Open Balkan, ministrja Gërvalla foli për procesin e Berlinit.

“Jemi në bisedime për nënshkrimin e marrëveshjeve rajonale dhe besojmë se Shqipëria dhe Kosova me qasjen e hapur për Procesin e Berlinit do të mund të shtyjnë përpara këto marrëveshje”, u shpreh Gërvalla.

Më tej, në agjendën e saj në Tiranë, Gërvalla, e vijoi në selinë blu, ku u prit nga kryetari Lulzim Basha.

Gjatë vizitës së saj në Tiranë, Gërvalla zhvilloi takime edhe me presidentin Ilir Meta dhe kryeparlamentaren Lindita Nikolla, nga të cilët mori mbështetjen për rritjen e bashkëpunimit mes dy vendeve./A2

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori