Përfaqësuesit e nismës qytetare “Ta shpëtojmë Kodrën e Diellit” sonte kishin takim me kryeministrin Zoran Zaev, ku u bisedua rreth problematikës së Kodrës së Diellit.

Nga kjo nismë thonë se kanë dorëzuar kërkesat kabinetit dhe se pas gjithë këtij prezantimi dy orësh, kryeministri, siç thonë nga kjo nismë, vendosi menjëherë të pranojë idetë dhe shqyrtimet e nismës siç janë:

“1. Përfundimisht tërheqja e ELEM nga menaxhimi i resorit turistik Kodra e Diellit,
2. Përgjegjësi për mos menaxhimin dhe mos funksionimin e Kodrës së Diellit,
3. Kodra e Diellit të jepet ne Koncesion,
4. Planin urbanistik i Kodrës Diellit të përpilohet nga Agjencia për planifikim hapësinor pasi që është interes publik.
5. Sektori civil dhe Iniciativa të kenë të drejtë qasjeje në çdo ndodhi dhe planifikim për zhvillimin e Kodrës Diellit,
6. Qeveria të jetë precize dhe e përgjegjshme ndaj afateve të caktuara kohore.
7. Ndërtimi i Teleferikut Tetovë – Kodra e Diellit, totalisht element i ri dhe jo i rinovuar.
8.Vizitë urgjente e kryeministrit në Kodrën e Diellit”.

Në fund ato thonë se lufta nuk përfundon me një takim me kryeministrin./Telegrafi/