SUV-i nuk është zgjidhja e vetme, arrin Renault Grand Kangoo

Renault prezantoi “kryeveprën” në segmentin disi të lënë pas dore të automjeteve të dedikuar për shumë qëllime.

Është Grand Kangoo, i cili bazohet në gjeneratën e fundit të Renault-it të gjithanshëm të paraqitur në vitin 2020, transmeton Telegrafi.

Është një nga automjetet më praktike, dhe për shumë njerëz që nuk i pëlqejnë SUV-të, kjo veturë mund t’ua lehtësojë nevojat e përditshme të transportit.

Mjafton të thuhet se ka tre rreshta ulësesh, të gjitha individuale, të rregullueshme dhe lehtësisht të largueshme nga kabina.

Vëllimi i dobishëm i hapësirës së bagazhit varion nga 500 litra deri në maksimum 3750, gjë që e bën Grand Kangoo një mbajtës rekord në segment.

Dhe për hyrje-dalje më të lehtë nga automjeti, si dhe manovrim të ngarkesës, në të dyja anët vendosen dyer rrëshqitëse me gjerësi 83 centimetra.

Në të njëjtën kohë, Renault paraqet faktin interesant se, nëse përfshin aftësinë për të lëvizur çdo ulëse dhe për të rregulluar pozicionin, keni në dispozicion deri në 1024 konfigurime të cilësimeve të ulëseve.

Mjafton të thuhet se në këtë veturë mund të ngarkoni objekte deri në 3.11 metra të gjatë, së bashku me disa pasagjerë të tjerë.

Blerësit do të jenë në gjendje të zgjedhin midis njësisë së fuqisë konvencionale, një motori të fuqishëm me benzinë ​​prej 130 kuaj fuqi dhe një motori me naftë 95 kuaj fuqi.

Ekziston edhe një version elektrik me 122 kuaj-fuqi, i cili me një bateri 45 kWh ofron një distancë deri në 265 km. /Telegrafi/