Zakonisht është e vështirë të mos vërehet një superjaht, por ky koncept i ri nga Jozeph Forakis Design, në fakt është krijuar për t’u ‘zhdukur’.
I përshkruar si “praktikisht i padukshëm”, si në dizajn ashtu edhe në ndikimin mjedisor, koncepti 88 metra i gjatë Pegasus do të jetë superjahti i parë i printuar 3D në botë, sipas projektuesit, raporton CNN.
Anija e madhe do të ketë “krahë” me xhama që do të pasqyrojnë rrethinën e saj në përpjekje për t’i mundësuar asaj të përshtatet me ambientin.
Superstruktura e superjahtit do të pajiset me panele diellore që do të fuqizojnë elektrolizuesit, të cilët do të nxjerrin hidrogjenin nga uji i detit.
Hidrogjeni më pas do të shndërrohet në energji elektrike, e cila ruhet në bateritë litium-jon që mund të përdoren për të fuqizuar sistemet operative dhe pajisjet, transmeton Telegrafi.
Koncepti Pegasus do të prodhojë zero emetime të gazeve dhe sipas Forakis, ai këtë model e kishte ëndërruar ndërsa e vizitonte një plazh në Greqi.
“Unë u frymëzova për të krijuar një jaht sa më afër detit dhe natyrës”, thotë ai.
“Doja të nderoja natyrën duke u përzier në të, duke u bërë praktikisht e padukshme”, shtoi Forakis.
Zero emetime
Ai vazhdon të shpjegojë se superjahti do të ndërtohet duke përdorur printim robotik 3D “për të krijuar një kornizë rrjete që integron të dy – trupin dhe superstrukturën”, e cila do të kërkojë “më pak energji, materiale, mbeturina, hapësirë dhe kohë” sesa një anije tradicionale.
Sa i përket pjesës së brendshme, Pegasus do të ketë pajisje të ndryshme, duke përfshirë një pishinë të stilit akuarium. Ekziston edhe një vaskë e madhe me ujë të nxehtë dhe ballkone të palosshme.
Karakteristika e brendshme është “Pema e Jetës”, e cila shtrihet në të katër kuvertat dhe është e lidhur me një shkallë spirale. Në thelb, shërben si një kopsht hidroponik, i cili na furnizon me ushqime të freskëta dhe për pastrimin e ajrit.
Pra, cilat janë shanset që koncepti Pegasus të bëhet realitet në një të ardhme jo shumë të largët?
Sipas ekipit të Jozeph Forakis Design, projekti është zhvilluar sipas një filozofie, “fakt shkencor, jo trillim” ndërsa teknologjitë kryesore të kërkuara për ta sjellë atë në jetë do të kërkojnë “evolucion të mëtejshëm” për ta ndërtuar atë.
Dizajn inovativ
Forkais vlerëson se koncepti do të marrë pesë deri në shtatë vjet kohë për t’u ndërtuar dhe shpreson që të prezantohet deri në vitin 2030.
“Tani është koha për hapa të guximshëm drejt të ardhmes sonë të qëndrueshme kolektive”, shton Forakis.
“Pegasus është një vizion i guximshëm, por i arritshëm për të ardhmen e afërt të industrisë së superjahteve, ku njeriu dhe makina jetojnë në harmoni me natyrën në vend që ta konkurrojnë apo kompromentojnë atë”, pohoi ai.
Gjersa studioja e dizajnit me sa duket ka marrë tashmë “disa” oferta serioze nga blerësit, Pegasus aktualisht mbetet vetëm një koncept në letër.
Koncepti inovativ është një nga sërë modelesh të reja emocionuese të superjahteve që janë prezantuar muajt e fundit.
Në fillim të këtij viti, studio italiane, Lazzarini Design Studio prezantoi Plectrum, një anije “fluturuese” 74 metra e gjatë që mund të ngrihet mbi sipërfaqen e ujit.
Ndërkohë, studio spanjolle Rodriguez Design prezantoi kohët e fundit Catalina-n, një koncept superjaht me pesë kuverta dhe në sy bie një vaskë gjigante. /Telegrafi/
Promo
Reklamo këtuLufta Prigozhin - Putin
Më shumëSkandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
Paka para se të lansonte raketat mbi pozicionet e ukrainasve, sistemi raketor rus Buk-M1 shkatërrohet – goditet direkt
Ku është 'Fito'? Lordi famëkeq i drogës i Ekuadorit, i cili u arratis nga burgu në të cilin jetonte si mbret
SHBA dërgoi fshehurazi raketa me rreze të gjatë në Ukrainë?
Presidenti kinez shkon në Beograd te aleati i tij Vuçiq në 25-vjetorin e bombardimit të ambasadës kineze nga NATO
Ukrainasit mësyjnë istikamet e rusëve me tank, i hedhin në erë edhe me dron kamikaz – pamje nga beteja për Serbryanskyn
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën