Gjykata Themelore në Gjilan ka dënuar me dy vjet heqje lirie dhe 500 euro gjobë të akuzuarin Sh. B., për veprën penale “lëndim i rëndë trupor”, ndërsa dy të akuzuarit tjerë S. B. dhe N. B. për veprën penale “pjesëmarrja në rrahje” janë dënuar me nga 10 muaj burg.

ë akuzuarit më datë 01.09.2016, rreth orës 12:00, në fshatin Zhegovc, pas një mosmarrëveshje verbale me S. Q., zyrtar në Agjencinë Pyjore të Kosovës, fillimisht kanë pasur një zënkë verbale, më pas ka rezultuar me konflikt fizik.

Me këtë rast zyrtari i APK-së S.Q. ka shtënë me armë në ajër, me qëllim të frikësimit, por i akuzuari N. B. i vërsulet duke u kacafytur, dhe më pas ndërhyjnë edhe të akuzuarit Sh. B. dhe S. B.

Gjatë përleshjes i akuzuari Sh. B. ka arritur të marrë revolen nga i dëmtuari dhe e godet 3 – 4 herë në pjesën e përparme të hundës dhe në regjionin mollëzor të djathtë të fytyrës, me çka është dashur të marrë tretman mjekësor në Qendrën Klinike Universitare të Kosovës (QKUK).

Palët kanë të drejtën e ankesës ndaj këtij vendimi në Gjykatën e Apelit.