Tashmë kur janë finalizuar punimet në parkingun nëntokësor në hapësirat e oborrit të Fakultetit të Filologjisë në Prishtinë, qytetarët kanë shprehur pakënaqësi për çmimet e larta të parkingu.
Kurse studentët po i pengon fakti që hapësira e gjelbëruar në oborrin e fakultetit, është kthyer në hapësirë komerciale për biznese.
Blerta Zeqiraj nënkryetare e Këshillit të Studentëve të Fakultetit të Filologjisë në Universitetin e Prishtinës “Hasan Prishtina”, për Telegrafin tha se tanimë nuk ka hapësira të mjaftueshme për studentët.
Ajo tutje shtoi se hapësirat e gjelbëruara janë kthyer në ambiente të bizneseve të cilat sipas saj do të bojkotohen nga vetë studentët.
“Kjo i ndikon drejtpërdrejt te studentët, pasi nuk ka hapësirë të mjaftueshme rekreative ku studentët mund të dalin në pauzë. Në vend të hapësirës rekreative në oborrin e fakultetit të Universitetit të Prishtinës janë ngritur biznese private, të cilat do të bojkotohen nga studentët e Fakultetit Filologjik”, tha Zeqiraj.
Zeqiraj po ashtu deklaroi se nuk janë kundër projektit në tërësi, por shqetësues është fakti që hapësira e oborrit është reduktuar.
Sipas saj nga legjislatura e kaluar e Komunës së Prishtinës iu ishte premtuar se do të ketë më shumë hapësira për ta, por një gjë e tillë nuk ka ndodhur.
“Në thelb nuk jemi duke e kritiku projektin si tërësi, por për ne është shqetësues fakti, që hapësirat e gjelbërura janë reduktuar, e neve na është premtuar e kundërta. As statuja e Fehmi Aganit nuk është rivendosur në vendin ku ishte, por e ka mbuluar pluhuri ne podrumin e Filologjisë. Nga Komuna na është premtuar që do të ketë hapësira më të mëdha të gjelbëruara, gjë që nuk ka ndodhë. Në anën tjetër deri me tani nuk kemi kurrfarë reagimi nga udhëheqësia e tanishme e Komunës së Prishtinës”, deklaroi ajo.
Ndërsa Erëza Arifi, studente, tha se ndjehet e zhgënjyer me planin përfundimtar të parkingut nëntokësor pranë filologjikut.
“Ne si studentë të Fakultetit të Filologjisë ndihemi shumë të zhgënjyer me përfundimin e këtij projekti, shkaku se që nga fillimi është premtuar se hapësira e gjelbëruar do të rikthehet edhe më mirë se përpara, e jo për t’u zëvendësuar me hapësira për zhvillime te bizneseve të ndryshme”, tha ajo për Telegrafin.
Parkingu nëntokësor do të ketë 23 mijë metra katrorë hapësirë. Dy kate me nga 11 mijë e 500 metra katrorë dhe përafërsisht 700 vende të parkingu të gatshme për tu shfrytëzuar nga qytetarët. Hapja solemne e këtij parkingu pritet të bëhet në fund të muajit nëntor./Telegrafi/
Promo
Reklamo këtuLufta Prigozhin - Putin
Më shumëNga Rubrika
Petrovska: Në koalicionin e OBRM-PDUKM-së ka parti që janë kundër integrimit të Maqedonisë në BE dhe NATO
‘Pikëpyetjet’ për votimin në veri, bëhen me dije rrethanat se si mund të kalojë ose dështojë ky proces
KQZ miratoi listën e qendrave të votimit në veri , Ahmetaj: Janë 23 lokacione në të cilat do të organizohet procesi i votimit më 21 prill
Vetëm edhe një ditë i hapur aplikimi për trajnimin "Mobile Journalism" në fushën e gazetarisë - në fund shpërblehen më të mirët
Pse vendimi i Asamblesë Parlamentare për Kosovën është disfatë historike për Serbinë?
U raportua nga gruaja për dhunë, Inspektorati policor thotë se po e heton drejtorin kundër trafikimit me njerëz në Policinë e Kosovës
Marrëveshja mes Kosovës e Serbisë, Kurti: Në këtë 11-vjetor shteti serb në Peshter të Sanxhakut do të lansojë ushtrime me dronë luftarakë kamikazë
U gjuajtën me armë derisa ishin në veturë, detaje nga rasti që ndodhi në Prishtinë
Maqedonci ngre alarmin: Tensionet vazhdojnë, Serbia nesër do të testojë dronë kamikazë në kufi me Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi