Spasovski: Fokusi i MPB-së do të jetë të sigurojë zgjedhje pa presion

Gjatë periudhës së zgjedhjeve lokale, fokusi i Ministrisë së Punëve të Brendshme do të jetë sigurimi i votës pa presion, tha ministri i Punëve të Brendshe, Oliver Spasovski.

Ai ju bëri thirrje edhe institucioneve të tjera kompetente që të japin maksimumin për të siguruar zgjedhje të drejta, korrekte dhe demokratike, përcjell Telegrafi Maqedoni.

“Zgjedhjet lokale sikurse zgjedhjet e tjera, për ne janë shumë të rëndësishme sepse Ministria e Punëve të Brendshme e ka patjetër të sigurojë atmosferë të drejtë dhe demokrate para zgjedhjeve dhe ditën e zgjedhjeve. Të gjitha kapacitetet e MPB-së do t’i vendosim në shërbim të zgjedhjeve, që ata të jenë të lira dhe demokrate. Ky është qëllimi ynë. Në këtë aspekt të gjithë pjesëtarët e MPB-së dhe të gjithë institucionet tjera kompetente për mbajtjen e zgjedhjeve duhet të angazhohen që qytetarët të votojnë pa presione”, tha Spasovski.

Zgjedhjet lokale në Maqedoni do të mbahen më 15 tetor, ndërsa KSHZ sot hodhi shortin për renditjen e partive politike në fletëvotime./Telegrafi/