Sot dita e dytë e Panairit të Agrobiznesit

Po vazhdon edhe sot dita e dytë e Panairit të produkteve bujqësore, agroindustriale dhe tregtisë inverse “Prishtina 2018” në Hotel Emeral, në të cilin po marrin pjesë 36 kompani vendore dhe një nga Italia. Qëllimi i këtij panairi, që e ka organizuar Oda Ekonomike e Kosovës, është që të promovohen dhe ekspozohen produktet e këtyre kompanive dhe rritja e vetëdijësimit të qytetarëve për produktet vendore.

Ky panair është i një dimensioni më ndryshe pasi që organizohet brenda kornizës së ngjarjeve të lidhura me javën e CEFTA-së, ku do të marrin pjesë akterët më të rëndësishëm që shtyjnë drejt rrjetëzimit dhe zhvillimit të bizneseve të Ballkanit Perëndimor.

Hyrja dhe transporti për vizitorët e Panairit është falas, çdo 30 minuta duke filluar nga ora 09:00. Autobusi ndalet Te Konviktet – Komuna – Te Qafa – Pallati i Rinisë – Hotel Grand – Te rrethi – Hotel Emerald.

Ky panair ka një rëndësi të veçantë për shkak momentumit të ri që është krijuar ku kemi një ngritje të vetëdijës për potencialin ekonomik të vendit tonë. Edhe sot në panair do ta shfaqet potenciali i ekonomisë të cilën e kemi zhvilluar me shumë mund. Qëllimi tjetër është shumë i rëndësishëm që të tregojmë që nuk jemi të varur më nga vendet që kemi importuar

Të gjithë të interesuarit në më shumë detaje rreth panairit mund të kontaktojnëb këtë numër telefoni 046-123-429 apo të vizitojnë faqen zyrtare të Odës Ekonomike të Kosovë në rrjetin social Facebook.

Vizitoni Panairin e Agrobiznesit dhe njihuni nga afër me produktet Agroindustriale, tregtinë inverse dhe risitë e përgjithshme të këtij edicioni. /Telegrafi/