Pyper, si platformë e specializuar për matjen e opinionit publik, në bashkëpunim me emisionin “Debat Plus”, që transmetohet në RTV Dukagjini, ka organizuar sondazhin e radhës.

Në këtë sondazh qytetarët janë pyetur në lidhje me iniciativën e Vjosa Osmanit pas distancimit nga LDK-ja.

Rreth 73% e respodentëve e shohin si veprim pozitiv distancimin e Vjosa Osmanit nga LDK-ja. Rreth 11% e qytetarëve largimin e Vjosës nga LDK-ja e shohin si veprim negative ose shumë negative. 16% e qytetarëve nuk kanë as qëndrim as pozitiv e as negativ ndaj Vjosës pas largimit nga LDK.

Rreth 75% e qytetarëve që kanë apo jo preferenca partiake, do ta favorizonin Vjosa Osmanin para LDK-së, rreth 15% favorizojnë më shumë LDK-në se Vjosën, derisa 10% e pjesëmarrësve në sondazh nuk favorizojnë as LDK-në e as Vjosa Osmanin.

41% e pjesëmarrësve në sondazh do ta preferon bashkimin e Vjosa Osmanit në Vetëvendosje, 37% do ta preferonin që Vjosa të krijonte parti të re , derisa 22% e respodentëve asnjërin nga opsionet e mësipërme.

Mbi gjysma (54%) e të anketuarve do ta preferonin që Vjosa Osmani të bëhej presidente.

Vjosën kryeministre e duan 10% të pjesëmarrësve në sondazh, 13% e duan krye parlamentare, 8% ministre të ndonjë dikasteri derisa 15% e qytetarëve nuk duan ta shohin Vjosën në asnjërin nga postet e mësipërme.

Bëhuni pjesë e sondazheve tjera – shkarkoni aplikacionin Pyper (iOS)

Bëhuni pjesë e sondazheve tjera – shkarkoni aplikacionin Pyper (Android)

Rezultatet e detajuara të sondazhit të Pyper i gjeni në grafikët e mëposhtëm.