LAJMI I FUNDIT:

Sokol Halili vdiq teksa po transportohej për në spital, kryeprokurori jep detaje

Sokol Halili vdiq teksa po transportohej për në spital, kryeprokurori jep detaje

Pas gati dy ditësh në arrati, Sokol Halili – i dyshuar për vrasjen makabre të bashkëshortes së tij, Hamide Gashi, ka vrarë vetën këtë të premte.

I njëjti ka kryer vetëvrasje në shtëpinë e tij, e cila ishte e rrethuar nga policët të cilët po bënin tentativa negocimi për dorëzimin e tij.

Kryeprokurori i Prokurorisë Themelore në Ferizaj, Shukri Jashari, në një prononcim për Telegrafin ka bërë të ditur se Halili është vrarë në katin e dytë të shtëpisë së tij, duke refuzuar kështu të binte në duart e organeve të rendit.

Sipas Jasharit, ai ka ndërruar jetë rrugës teksa po transportohej për në Qendrën Klinike Universitare të Kosovës (QKUK).

“Sokol Halili ka qëlluar veten në shtëpinë e tij, në katin e dytë, teksa policia po bënte përpjekje që ta bindte për t’u dorëzuar. Ai nuk ka ndërruar jetë në vendngjarje, por gjatë kohës së Emergjenca po e transportonte për në QKUK. Në momentin që është dërguar atje, mjeku ka konstatuar vdekjen e tij”, ka thënë kryeprokurori.

Lajmin për vetëvrasjen e Halilit e ka bërë të ditur ministri i Punëve të Brendshme, Xhelal Sveçla, përmes një postimi në rrjetin social Facebook, i cili ka thënë se përkundër tentativës së zyrtarëve policorë që të negociojnë dorëzimin, dorasi ka vrarë veten.

“Pas një pune intenzive të të gjitha njësiteve të Policisë së Kosovës është arritur që të lokalizohet vendndodhja e vrasësit Sokol Halili. Përkundër tentativës së zyrtarëve policor që të negociojnë dorëzimin, dorasi vret veten”, ka shkruar ai.

Tutje, Sveçla ka thënë se Policia e Kosovës si dhe Inspektorati Policor i Kosovës do të vazhdojnë hetimet për zbulimin e të gjitha rrethanave të vrasjes së gruas shtatzënë dhe vetëvrasjes së dorasit.

Ndërkohë, sot në varrezat e reja të fshatit Lugaxhi të Lipjanit është varrosur shtatzëna 35-vjeçare, e cila dyshohet se u vra nga ish-bashkëshorti i saj.

Familjarë e qytetarë të shumtë kanë marrë pjesë në varrimin e së ndjerës, e cila u vra në oborrin e Klinikës së Gjinekologjisë në QKUK. /Telegrafi/

Në trend Lajme

Më shumë
Një i vrarë dhe një i plagosur me armë zjarri në Prishtinë

Një i vrarë dhe një i plagosur me armë zjarri në Prishtinë

Kronika e Zezë
Aplikimi i Kosovës për anëtarësim në Këshill të Evropës, opinioni i Bakoyannis sot në rend dite

Aplikimi i Kosovës për anëtarësim në Këshill të Evropës, opinioni i Bakoyannis sot në rend dite

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
“Ftojeni Kosovën që të bëhet anëtare e Këshillit të Evropës”, Knaus publikon dy pika të opinionit të Dora Bakoyannis

“Ftojeni Kosovën që të bëhet anëtare e Këshillit të Evropës”, Knaus publikon dy pika të opinionit të Dora Bakoyannis

Lajme
Syla: Kemi bashkëpunim me shtetet e NATO-s për blerjen e armatimit

Syla: Kemi bashkëpunim me shtetet e NATO-s për blerjen e armatimit

Siguri
U raportuan tri gropa në

U raportuan tri gropa në "Ndreqe.com", Komuna e Prishtinës intervenon në rregullimin e tyre

Prishtina
Kalo në kategori