Smith Rowes i thuhet se duhet të ndodhë diçka ‘e tmerrshme’ që ai të luajë standard te Arsenali

Sipas Ray Parlour, shpresat e Emile Smith Rowe për të luajtur standard te Arsenali janë jashtë duarve të tij.

Legjenda e klubit tha se lojtari i talentuar do të luajë vetëm nëse ka disa lëndime.

“Absolutisht. Ai është një lojtar i mirë, por që nuk është në planet e trajnerit. Ajo që unë i them çdo lojtari është se kur të keni mundësinë, duhet të dëshmoheni dhe ta shfrytëzoni atë”, deklaroi ai.

Lexo po ashtu Arsenali kërkon të transferojë “Haalandin slloven”, çmimi i tij është 50 milionë euro

“Smith Rowe ishte mirë përballë Martinellit para lëndimit dhe për të qenë i drejtë me Martinellin ai ka bërë shkëlqyeshëm”.

“Ai ka shfrytëzuar mundësinë e tij dhe Smith Rowe tani duhet të presë mundësinë e tij për t’u rikthyer. Sado që stërviteni mirë dhe dukeni mirë në stërvitje, nuk është si situata e ndeshjes”.

“Do të doja ta shihja atë të bënte një seri ndeshjesh – mendoj se Kupa e Carabao do të jetë vërtet e rëndësishme për të, sepse aty ai mund të ketë një seri ndeshjesh”.

Lexo po ashtu Abraham drejt rikthimit në Angli, Roma ia cakton çmimin

“Sa herë që ai luan, ai duhet të bëjë diçka për t’i treguar trajnerit se jeni ende një lojtar i rëndësishëm. E di që tingëllon e tmerrshme të thuash, por atij i duhen vetëm disa lëndime për të marrë një mundësi dhe kur ta ketë, duhet ta shfrytëzojë atë dhe të sigurohet që po luan aq mirë sa nuk mund të lihet jashtë”, ka shtuar Parlour.

Duke folur për rikthimin e tij në formacionin fillestar në një ndeshje të Kupës së Ligës kundër Brentford në shtator, Smith Rowe zbuloi se si ai “ndihej vërtet i aftë” dhe mendërisht “më i fortë”.

Smith Rowe ka grumbulluar më pak se 270 minuta në të gjitha garat këtë sezon. Ai ka luajtur vetëm një herë në Ligën Premier. /Telegrafi/