Sllovakia nga nesër në izolim dyjavor

Sllovakia njoftoi kufizime të reja sot për të shtypur një valë të re të pandemisë së coronavirusit.

Kafenetë, restorantet dhe të gjitha dyqanet jo ushqimore do të mbyllen nga e enjtja, ndërsa shkollat do të vazhdojnë të mbajnë mësimin.

“Një vlerësim i ri do të pasojë brenda dhjetë ditësh”, tha ministri i Ekonomisë Richard Sulik, ndërsa Sllovakia ka një nga nivelet më të larta të infeksionit me coronavirus në botë.

“Qeveria ka miratuar kufizime për dy javët e ardhshme”, tha ministri.

Me përjashtim të disa rasteve të jashtëzakonshme, banorët do të mund të largohen nga shtëpitë e tyre vetëm për blerjen e sendeve ushqimore bazë, për punë, shkollë ose për një vizitë te mjeku, thanë zyrtarët.

Do të lejohen edhe shëtitjet në natyrë. Shkollat do të mbyllen të fundit, ne duam që ato të qëndrojnë të hapura.

Sllovakia regjistroi dje mbi dhjetë mijë të infektuar rishtazi me COVID-19 për herë të parë që nga fillimi i epidemisë, ndërsa numri i shtrimeve në spital arriti, sipas Ministrisë së Shëndetësisë, një “pikë kritike”. /kp/Telegrafi/